Миний өмнөх жим

Хуучин хувцас, даавууны үлдэгдлээр

2011-12-28T13:27:00.002+09:00

Илүү дутуу хуучин хувцас, даавууны үлдэгдлийг ашиглан ийм маягийн табочки буюу улавч хийж өмсч болно. Энэ улавч нь чийг татахгүй, хуучин хувцасны үлдэгдэл болон бусад даавууны үлдэгдэл ашиглан хийж болох тул эдийн засагт хэмнэлттэй. Мөн танд хийж өгөх хайртай хүний чинь сэтгэл шингэсэн, өмсөхөд хөнгөн, эвтэйхэн, угааж цэвэрлэж болох гээд олон давуу талтай гарын доорх материал ашиглан хийдэг табочки юм.

Амьдралыг дуулж, туулж явна би

2011-08-26T16:26:00.002+09:00

Энэхүү дууг сонсоод төрсөн сэтгэгдэлээсээ хуваалцвал:

Инээж хөөрч жаргаж явна гээд

Амьдрал намайг дуул гэлээ

Итгэл алдан гутарч явсан ч

Амьдрал намайг дуул гэлээ

Уйтгарлаж гуниглаж, хаягдсан ч гэсэн

Аамьдрал намайг дуул гэлээ

Ухаарал бүхнийг сэтгэлдээ тээн

Амьдрал намайг дуул гэлээ

Тиймээ ийм л баялаг амьдралыг

Дуулж, туулж явна би

Ирээдүйд учрах бүхнийг тосон

Ддуулж, туулж өнгөрүүлнэ би

Эгэл амьдралын нугачаанд

Хөл алдахгүй гэсэндээ

Эргэж ч харалгүй хар хурдаар

Амьдралыг дуулж, туулж явна би

ЦҮНАМИ.... Хотын сүйрэл

2011-03-18T15:04:00.002+09:00

2011.03.11 -ний газар хөдлөлтөөс үүссэн ЦҮНАМИ хэрхэн хотыг сүйтгэж байгаа дүр зураг

Yomiuri Shinbun news 2011.03.18

2011-03-18T15:01:00.002+09:00

Өчигдрөөс асуудал үүсээд байгаа АЦС-ын 3-р тогооруу агаараас газраас зэрэг ус цацаж эхэлсэн билээ. Энэхүү үйлдлээ өнөөдөр бас бас давтан Японы Өөрийгөө Хамгаалах Хүчний нисдэг тэргээр зөвхөн агаараас ус цацаж байна. Үүний улмаас АЦС-ын ойр орчимд тархаж буй цацраг идэвхит туяаны хэмжээ багасч байгаа гэнэ.

Нөгөө талаар Токио Электрик компани цөмийн тогоог хөргөх зориулалттай Шуурхай Хөргүүрийн Системрүү цахилгаан дамжуулах ажиллагааг сэргээж, 2-р тогооруу цахилгаан түгээх бэлтгэлийг бараг хангаж дууссан байна.

Ёмиүри 2011 он 3 сар 18 13цаг 26мин

ЗГХЭГ-ын дарга Эдано Юкиогийн мэдэгдсэнээр Япон улс энэ удаагийн АЦС-ын осолтой холбоотойгоор хойшид өөрсдийн Цөмийн Эрчим Хүчний бодлогоо шинэчлэн засаж магадгүй байна.

Ёмиүри 2011 он 3-р 18, 13цаг 29 мин

2011．03.15　18.32цагийн мэдээ

2011-03-15T19:30:00.000+09:00

Нас барагчдын тоо 2722-т хүрч, Нисэх буудал, боомтууд дээр сэргээн засварлах ажиллагаа эхлэв

15-ны өдрийн 3цаг 30 мин байдлаар нас барагчдын тоо 2722-т болсноос Мияги аймагт 1337, Иватэ аймагт 836 хүн, Фүкүшимад 494 хүн нас барсан нь тогтоогдов. Мөн гэмтэж бэртсэн хүмүүсийн тоо 1892-т хүрсэн байна.

Түүнчлэн цунамид нэрвэгдэн үйл ажиллагаа нь зогсоод байсан Сэндай Нисэх буудал 15ны өдөр зарим нэг гүйлтийн замд засвар хийгдэж, одоогоор Өөрийгөө хамгаалах хүчний нисдэг тэрэг энэхүү нисэх буудлыг ашиглан аврах ажиллагаагаа үргэлжлүүлж эхэллээ. Мөн Сэндай ШиогамаКоо далайн боомтын тухайд ойрын өдрүүдэд үйл ажиллагааны нэг хэсгийг сэргээж чадна гэв. Мөн Аомори аймгийн Хачинохэ боомт, Иватэ аймгийн Күжиши боомтууд ч ашиглах боломжтой болох юм байна.

Мөн Японы зүүн хойт мужийн Япон тэнгис талын төмөр замууд ч удахгүй дахин ашиглагдаж эхлэнэ. 14 буюу өчигдрийн байдлаар Ооүхон лайн нь Акитагаас Аомори хооронд ашиглагдаж эхэлсэн байна. Ийм байдлаар цаашид маш түргэн хугацаанд төмөр зам, нисэх буудлуудыг сэргээн ашиглах тал дээр шургуу ажиллаж байна гэж Нутаг дэвсгэр Дэд бүтэц, Аялал жуулчлал Зам харилцааны Яамнаас мэдэгдсэн байна.

Би догдлоно

2011-03-15T18:45:00.001+09:00

Амьдралын сайн сайхан гуниг гутрал бүхэн

Алган дээр минь хөврөн урсах адил тогтошгүйгээр үргэлжилнэ

Алагхан зүрхний булгилан догдлох нь харин

Амрагийг би санаж байгааг надад мэдрүүлнэ

Чамайг санах бүрт нэгэн хэмээр хүч түрэн огшино, зүрх минь

Чиний дүрийг би бодох бүртээ догдлоно хөөрнө, сэтгэл минь

Нарны цацраг мэт тунгалаг царайг чинь өөдөөс мишээх шиг

Нартын доор жаргалтай өдрүүд олон байг гэж, Би догдлоно

Ёмиүри шинбүний мэдээ 2011.03.15-ны 16.50 цагийн мэдээ

2011-03-15T17:45:00.000+09:00

Нийслэл болон ойр орчмын 4 аймагт цацраг идэвхит туяа ихэслээ

Японы БС ШУЯ-наас 15-нд хийсэн мэдэгдэлд аймаг хот суурингуудад явагдаж байгаа цацраг идэвхит туяаны хэмжилтээр өглөөний 9цаг хүртэл Точиги, Саитама, Чиба, Токио, Канагавад хөрш зэргэлдээ улсуудад цөмийн туршилт хийж байсан зэргийг хасвал судалгаа хийж эхэлснээс хойшхи түүхэнд цацраг идэвхит туяаны хэмжээ хамгийн дээд цэгтээ байна гэлээ.

Хамгийн их мэдрэгдэж байгаа Точиги аймагт 0,864 микро сиверт/цаг (μSv/h), Сайтама аймагт 0,129 μSv/h байна.

第１グループ１４０万世帯、午後４～７時に停電

　東京電力は１５日の計画停電で、午後４時～午後７時までの停電を「第１グループ」の栃木、群馬、神奈川、静岡、千葉の５県６３市町の１４０万世帯を対象に行うと発表した。

　電力需要がピークとなる夕方の需要に対応するため、日中よりも対象地域を広げている。

（2011年3月15日15時26分読売新聞

1-р группийн 1,4 сая айл өрх, аж ахуйн нэгжид өнөөдөр үдээс хойши 4-7 цагийн хооронд цахилгааны хязгаарлалт

ТЭК нь 15ны өдөр 16-19 цагийн хооронд урьдчилан бүсчилэн хуваасан байсны дагуу 1-р группын Точиги, Гүнма, Канагава, Шизүока, Чиба гэсэн 5 аймгийн 63 хот тосгонын 1,4 сая айл өрх албан байгууллагад төлөвлөгөөт цахилгааны хязгаарлалтыг хийнэ гэдгээ мэдэгдэв. ТЭК нь цахилгааны хэрэглээ хамгийн их байх оройн цагаар ийнхүү өдрийн цагаас илүү олон газрыг хамарч хязгаарлалт хийж байна.

Японы өдөр тутмын сонины мэдээ 2011.03.15

2011-03-15T16:57:00.001+09:00

福島第一放射線濃度は「身体に影響」…官房長官

枝野官房長官は１５日午前記者会見し、東京電力福島第一原発４号機で発生した火災で、同１０時２２分に、同原発３号機付近で毎時４００ミリ・シーベルト（４０万マイクロ・シーベルト）、隣接の４号機周辺で同１００ミリ・シーベルト、２号機と３号機の間で、同３０ミリ・シーベルトの極めて高い放射線を観測した、と発表した。

　１００ミリ・シーベルトの放射線を浴びると、がんになる人が増加するといわれる。

　枝野官房長官は、３号機付近の放射線レベルについて、「身体に影響を及ぼす可能性があることは間違いない」と述べた。

（2011年3月15日11時27分読売新聞）

Фүкүшима 1-р АЦС-ын цацраг идэвхит туяан нь хүний биед нөлөөлнө

ЗГХЭГ-ын дарга Эдано 15-ний өглөө хийсэн хэвлэлийн бага хурал хийж, Токио Електрик Компаний Фүкүшима 1-р АЦС 4-р хөдөлгүүрт гал гарч, 10.22 минутанд мөн тус АЦС-ын 3-р хөдөлгүүрийн орчим цагт 400 mSv (мл Сивэрт, энэ нь 400000 микро Сиверттэй тэнцүү , Монголын ТВ-гээр микро нэгж гэж орчуулж, мэдээлж байна), хажуугийн 4-р хөдөлгүүрийн ойр орчимд мөн цагт 100 mSv, 2 болон 3-р хөдөлгүүрийн хооронд цагт 30 mSv буюу нэлээд өндөр цацраг идэвхит туяаг хэмжигдсэн гэж мэдээлжээ.

100 mSv цацраг идэвхит туяанд хордвол хорт хавдраар өвчлөх хүмүүсийн тоо нэмэгдэнэ гэгддэг.

ЗГХЭГ-ын дарга Эдано 3-р хөдөлгүүрийн ойр орчмын цацраг идэвхит туяаны түвшний талаар “Биед ямар нэгэн хэмжээгээр нөлөөлөх нь гарцаагүй” гэж мэдэгдсэн байна.

2011 оны 03 сарын 15, 11 цаг 27 мин Ёмиүри Шинбүн сонин

　東京電力福島第一原子力発電所２号機で、１５日朝に確認された大きな爆発音。

　原子力の最後の安全を確保する仕組みに重大な損傷が起きたのか。放射性物質が外部に大量に漏れ出す可能性もある。専門家の様々な見方をまとめた。

　原発で最も大事なのは、放射性物質の封じ込めだ。

今回の爆発では、原子炉の格納容器に何らかの損傷が起きたのでは、という指摘が専門家から出ている。

京都大原子炉実験所の今中哲二助教（原子力工学）は「圧力抑制室の圧力が大気圧と同じまで下がったというのは破損がそれだけ大きく、放射性物質が外部へかなり漏れ出たとみえる。格納容器とつながっているため、まさに『格納容器の部分破壊』とでも言える深刻な事態だ」と語る。

元原子力安全委員の住田健二・大阪大名誉教授も「格納容器が健全であることを前提にしてきたこれまでの考え方とは異なる状況になった」と話す。

爆発音に関しては水素爆発の可能性を指摘する専門家もいる。近畿大原子力研究所の伊藤哲夫所長は「圧力抑制室は蒸気を水に戻す機能も持つ。ここで爆発が起きたとすると、原子炉圧力容器から漏れ出た水素の一部が蒸気に混じり、水素爆発を起こしたとも考えられる。元々格納容器は窒素で満たされ酸素がない。水素が爆発するために必要な酸素は、格納容器の圧力を逃がす作業の中で入り込んだ可能性もある」と話す。

また、同研究所の渥美寿雄教授（原子力材料学）も「東電は、格納容器に流れ出た大量の水素を、圧力抑制室から建屋に逃がそうとしている可能性がある。そのため、圧力抑制室の蒸気に水素が混じり込み、そこで爆発したのではないか。蒸気中に水素が４％混じり、酸素があると爆発する恐れが生じる。水素の濃度が低ければ爆発も小規模になる」と指摘する。

渥美教授によると、圧力抑制室は格納容器と配管でつながってはいるが、別の空間との見方もできる。そのため、今回は抑制室だけで水素爆発がとどまったと考えられるという。

一方で、藤家洋一・元原子力委員会委員長は「圧力抑制室の圧力が低下したことは、放射能を含んだ水が漏れだしていることを意味する。原子力の安全を確保する三本柱のうち最後の『閉じこめる』に問題が生じ、深刻だ。水素は空気よりも軽いため、格納容器の下部にある圧力抑制室にたまって爆発することは考えにくい」とみている。

（2011年3月15日11時08分読売新聞）

Токио Электрик Компаний Фүкүшима 1-р АЦС-ын 2-р хөдөлгүүр дээр 15-ны өглөө Дэлбэрэлт болж байгаа нүсэр чимээ мэдэгдсэн

Атомын хүчийн хамгийн сүүлийн аюулгүй байдлыг хангах системд их хэмжээний гэмтэл гарсан уу? Цацраг идэвхит бодис гадагшаа их хэмжээгээр тархах магадлал байна. Мэргэжилтнүүдийн санаа оноог олон талаас нь авч үзэв.

Дэлбэрэлтийн үед хамгийн чухал нь цацраг идэвхит бодисын тархалтыг зогсоох явдал. Энэ удаагийн дэлбэрэлтээр цөмийн реакторын тогоонд ямар нэгэн гэмтэл учруулсан юм биш байгаа гэсэн анхааруулга мэргэжилтнүүдээс гарч байгаа.

Киото ИС-ийн Цөмийн реакторын судалгааны төвийн Иманака Тэцүжи профессор (Nuclear engineering – Цөмийн Инженерчлэл) “Даралтыг хянах өрөөний даралт нь агаарын даралттай ижил болж буурсан гэдэг нь эвдрэл гэмтэл нь тэр хэмжээгээр их, цацраг идэвхит бодис гадагшаа нэлээд ихээр тархсан гэж үзэхээр байна.” гэж мэдэгдсэн байна. Цөмийн тогоотой холбоотой учир, “Цөмийн тогооны хэсэгт гэмтэл” гарсан ч байж магадгүй нэлээд аюултай байдал үүсээд байна гэж ярив.

Цөмийн эрчим хүчний Аюулгүйн Зөвлөлийн гишүүн асан Сүмита Кэнжи(Осака ИС-ийн Хүндэт профессор) “Цөмийн тогоо нь ямарч эвдрэл гэмтэлгүй, бүтэн байгаа гэж ярьж байсантай одоогийн нөхцөл байдал шал өөр болоод байна” гэж ярив.

Дэлбэрэлтийн дуутай хоблогдуулан ус төрөгчийн дэлбэрэлт байх магадлалтай гэж ярих мэргэжилтнүүд ч байх юм. Кинки ИС Цөмийн Эрчим хүчний судалгааны Газрын Ито Тэцүо дарга “Даралт хянах өрөөнд уурыг ус болгох төхөөрөмж байдаг. Энд дэлбэрэлт үүссэнээс үзвэл цөмийн реакторын даралтын тогооноос гарсан ус төрөгчийн нэг хэсэг нь ууртай холилдон ус төрөгчийн дэлбэрэлтийг үүсгэсэн гэж бодогдохоор байна. Цөмийн тогоо нь уулаасаа нитрогенээр дүүрсэн хүчилтөрөгчгүй орчин. Ус төрөгч дэлбэрэхийн тулд шаардагдах хүчилтөрөгч нь цөмийн тогооны даралтыг багасгах ажиллагааны үед орсон байх магадлалтай” гэж ярьцгааж байна.

Мөн түүнчлэн, тус Судалгааны газрын Ацүми Хисао профессор ч “Токио Электрик Компани нь Цөмийн тогооноос урсан гарсан их хэмжээний ус төрөгчийг даралт хянах өрөөнөөс барилгын дотор гаргаж байж магадгүй. Тиймээс Даралт хянах өрөөний агаарт ус төрөгч холилдон тэнд дэлбэрэлт үүссэн юм биш байгаа. Агаарт байгаа ус төрөгчийн эзлэх жин 4хувь байхад хүчилтөрөгчтэй холилдоод дэлбэрэх аюултай байдаг. Ус төрөгчийн жин бага байвал дэлбэрэлт төдий чинээ бага хэмжээтэй байна” гэж онцолж байна.

Ацүми профессор цаашлан Даралт Хяанах өрөө нь цөмийн тогоотой хоолойгоор холбогдож байдаг ч өөрийн гэсэн агаарын орчинтой гэж үзэж болно. Тиймээс энэ удаагийн дэлбэрэлт нь зөвхөн Хянах өрөөнд болсон байж магадгүй гэж бодогдож байна гэв.

Нөгөө талаар, Цөмийн эрчим хүчний зөвлөлийн дарга асан Фүжи-иэ Ёоицү “Даралт хянах өрөөний даралт нь буурсан гэдэг нь цацраг идэвхит бодис агуулсан ус алдагдсан гэдгийг хэлж өгч байна. Цөмийн эрчим хүчний аюулгүй байдлыг хангаж байдаг 3 баганы дотроос хамгийн сүүлчийхийг хаах системд асуудал гарсан нь хэцүү юм. Ус төрөгч бол агаараас хөнгөн тул цөмийн тогооны доор байх даралт хянах өрөөнд хуралдан дэлбэрсэн гэж үзэхэд хэцүү юм.” гэж хэлсэн байна.

2011 оны 3 дугаар сар 15 11 цаг 08 мин Ёми үри Сонин

Мэдээг сийрүүлсэн: Б.Мөнхтуг

Жугамо нийгэмлэгийн гишүүн,

Монголын Бизнесийн Хөгжлийн Холбооны Гүйцэтгэх захирал

Ай даа нутаг нуга минь

2011-02-16T14:57:00.004+09:00

Төрсөн нутаг Дарьгангын бор тал, түүнийг минь сэтгэлд хоногшин омогшихоор гайхалтай сайхан дүрслэн бичсэн нэгэн нийтлэл унштал Нийгмийн хамгаалал Хөдөлмөрийн сайд Т.Ганди гуай бичсэн байх юм.

Уншигч авхай танд тэрхүү нийтлэлийг нь дамжуулан хүргэе.

Т.Ганди

Ай даа Дарьганга нутаг минь

Ер нь Дарьганга хошууны хүүхнүүд эр нөхрөө, хүү, хүргэнээ хүндлэн дээдэлдэг ёс журамтайгаараа алдартай юм билээ. Холын зочид бид хөдөөгийн хүүхнүүдэд сонин содон харагдаа биз дээ. Хаашаа л хөдөлнө, алдахгүй ажих тэдний адтай харцнаас бултаж чадахгүй, хэрэндээ би тэвдэж л суув.

Шилийн Богдын орой дээр гарахад хүйтэн, хүчтэй салхитай байв. Дөрвөлжин дэвсэг бүхий орой дээр нь хадаг яндар болсон овоо байна. Идээ ундаа засаж, энд тэндээс түмний хүслийг шингээн өлгөсөн туг хиур салхинд дарцаглаад, овоо тахилга амь сүлдтэй нэгэн төдийгүй, хэзээ хэзээгүй нисэх гэж өндөлзөн буй мэт сүртэй.
Богдын орой дээрээс чанх урагш харлаа. Торгон элсэн дээгүүр шигүү шүдтэй самаар жигд татсан юм шиг зурвас харагдана.
Энэ бол миний эх орны хилийн дээс. Үүнээс цааш хүний нутаг бий. Хоёр нүдний дурангийн тусламжтай ийш тийш нэлээн хараачлав. Уул нь маниас өөр олигтой нүдтэй хүнд бол дурансаад байх юмгүй. Эгээ урьд өлмий дор минь л хүний нутаг байгаа юмсанж. Уламжлалт ахуй амьдралынх нь хэв шинж болсон газар тариалангийн аж ахуй эрхэлж, шоо дөрвөлж татсан газарт хүмүүс өөвийн бөөвийн харагдана. Хаа газрын амьтас даа, амьдрахын төлөө амсхийх завгүй л тонголзож буй нь тэр биз ээ.

Үргэлжлэлийг энд дарж уншина уу?

Эхийг Монгол ньюс сайтаас авав.

Хариуцлагаа гэж...

2011-02-09T11:08:00.006+09:00

Хариуцлага гэж юу байдгийг бид бүхэн төсөөлдөг, мэддэг. Гэхдээ хэрэгжүүлдэг үү, ухамсарладаг уу гэвэл энэ арай өөр хариултыг бидэнд өгөх байх.

Нэгэн жишээ нь дээр энэ асуудлыг бодож үзмээр санагдлаа. Бид аливаа юмыг өөрт байгаагаас илүү сайн жишээ нь дээр ярьдаг. Тиймээс ч бусдын туршлагыг өөрийнхтэйгөө харьцуулж үзэж байж дүгнэлт хийхийг зорьдог шүү дээ.

Яг өнөөгийн нөхцөлд нэлээд шуугиж байгаа асуудал бол 2011 оны 3 сард болох байсан Японы мэргэжлийн СҮМО бөхийн үндсэн тэмцээн болох "Харү башё" цуцлагдсан явдал. Яагаад үүнийг жишээ болгон дурьдав гэхээр, би өөрөө Японд сурч байсан, одоо буцаад ирсэн ч гэсэн хариуцлага гэдэг юм Японд байдаг гэдгийг илүү ихээр мэдэрч байгаа тул энэ жишээг авав.

Мэдээж Монголд хариуцлага байдаг уу гэвэл байдаг. Тэрийг үгүйсгэхгүй. Бас хариуцлага, стандартын тогтолцоог бий болгоё гэж хаа хаана эрвийх дэрвийхээрээ хичээж байгаа. Энэ сайшаалтай хэрэг. Тиймээс ч бид сайн жишээнээс суралцах хэрэгтэй болдог нь жам юм.

Сүмогийн жишээг авдаг нь: Энэ жилийн 3 сарын тэмцээнээ цуцалж, үндсэн тэмцээнүүдийн хооронд болдог орон нутгийн аялах тэмцээн, үзүүлэх барилдаан болох "Жүнгёо"-гоо цуцалсан явдал нь хариуцлагыг бидэнд харуулж байгаа юм.

Яахав, хэдэн бөх даваа наймаалцаж, мөнгө өгөлцөж авалцаж л байгаа биз гэж бодох хүмүүс байхад, нөгөө талаар спортын шударга өрсөлдөөнийг алдагдуулсан ийм зүйл нь нийгэм хүлээн зөвшөөрдөггүй, бас дэмжигчид, спорт сонирхогчдыг хуурсан явдал тул БОЛОХГҮЙ зүйл гэгддэг. Гол нь Японы мэдээ уншиж байхад Монголчууд Үндэсний бөхдөө "Начны найраа" гэж юм хийдэг. Тийм болохоор Монгол бөхчүүд, ер нь гадаад бөхчүүд энэ найраа буюу даваа наймаалцах гэдэг зүйлийг хийгээд байна уу гэсэн хардалт бас нийгэмд нь төрөөд байна. Одоо сэжиглэгдэж байгаа бөхчүүдийн дунд хоёр ч Монгол бөхийн нэр дурьдагдаж байгаа нь энэ явдал, сэжиглэлийг Япончуудад харуулж, баталж өгөөд байх шиг. Мэдээж Монгол хүн миний хувьд ийм зүйл, мэдээ уншаад Улс Үндэстнийг маань доош нь хийгээд байгаа юм шиг сэтгэгдэл өөрийн эрхгүй төрж байна. Гэхдээ аргагүй юм. "Овоо босгоогүй бол шаазгай хаанаас суухав" гэдэг шиг бид өөрсдөө Үндэсний бөхдөө найраа хийдэггүй бол энэ мэдээг Япончууд олж сонсохгүй л байх байсан.

Дээрх жишээг манай үндэсний бөхтэй харьцуулъя. Манай үндэсний бөхөд миний мэдэхийн өнгөрсөн жил(2010 он)-ийг эс тооцвол сүүлийн хэдэн жил дараалан хэд хэдэн бөх допинг хэрэглэсэн нь батлагддаг, бас жил бүр начны найраагаар хүмүүс даваа өгөлцөн авалцан цол авдаг. Тэрийг нь хаа хаанаа мэддэг. Наадмын ногоон талбай дээр цүнхтэй мөнгө өгөлцөж, авалцсаныг харсан ч хүн байдаг. Шинжилгээгээр допинг хийсэн нь батлагдсан бөхчүүдийн нэр ус нь гараад ирдэг. Олигтой шийтгэл энэ тэр харин харагдахгүй. Гэтэл "Начны найраа" гэх энэ үйлдэл бол бүүр газар авсан. Хүн бүр мэддэг хэрнээ түүнийг болиулах, устгах, арилгах талаар дорвитой арга хэмжээ хийгддэггүй юм байна.

Монгол бөхөд цолыг Үндэсний Их Баяр Наадмаар л олгодог. Гэтэл энэ баяраар бөхчүүд ихэнх нь даваагаа наймаалцсан байдаг тул спорт, бөх сонирхогчид дургүй байдаг.

Бид үнэндээ наадмын бөхөөс илүүтэйгээр Цагаан сарын барилдаан үзэх дуртай байдаг нь тэр барилдаан үнэн шударгаар явагддаг болохоор тэр. Иргэд, бөх сонирхогчид шударга зүйлсэд дуртай байдаг шүү дээ.

Тиймдээ ч бэлтгэл сайтай залуу аймаг, цэргийн арслангууд сүүлийн хоёр жил дараалан түрүүг нь аваад байгаа. Энэ нь ч бөх сонирхогчдын яг хүсэн хүлээсэн зүйл байдаг. Нөгөө аварга арслангууд нь 2-4-ийн даваанд бүгд өнхөрөөд өгч байх юм. Яахав тэд цолондоо эрдээд бэлтгэл бага хийдэг байж магадгүй ч гол нь барилдаан, тэмцээн хэр шударга болж байгааг харуулдаг үзүүлэлт болдог гэдэгтэй маргах хүн үгүй биз.

Тиймээ, хэрэв болдогсон бол ноён "Начны найраа"-г бөхийн орон зайнаас зайлуулахын тулд, төр засаг, бөхийн холбооны удирдлагууд маань нэг жилийн наадмаар бөхийн барилдааныг хийхгүй байж болно шүү дээ. Яг СҮМО-д одоо авч байгаа арга хэмжээ шиг. Начны найраа арилтал наадмаар бөх барилдуулахгүй гээд л. Тэд давааны найраа хийгддэгийг мэдэнгүүтээ шууд ийм арга хэмжээ авч байна. Бид бол лав л сүүлийн 20-иод жил Монгол бөхөд ноён "Начны найраа" дураараа дургиж байгааг мэддэг, сонсдог, хардаг. Гэсэн ч хэн нь үүнийг хэрхэн зогсоох нь тодорхойгүй байна.

Найраагаар начин авсан бөхчүүдийг ч бид захаас аваад нэрлэж чадна. Тэд нь дараагийн наадамдаа 1,2-ын даваанд унаад өгдөг тул, өөсрдийгөө ч найрааны начин гэдгээ батладаг.

Иймд Монголын Үндэсний Бөхийн Холбоо ч гэсэн хатуу гараар ноён "Начны найраа"-г хөөн зайлуулах хэрэгтэй. Ингэж гэмээ нь Монгол бөхөд хариуцлага, шударга байдлыг ДАХИН нутагшуулахад их тус хүргэнэ. Цаашилбал Монгол улсад ч хариуцлагын тогтолцоог харуулсан үйлдэл болно. Бид өмнө хариуцлагатай байдаг байсан. Тиймд тэр заншлаа дахин нутагшуулах л бидний гол зорилго. Үүнийг Японы Мэргэжлийн Сүмо Бөхийн Холбоо бидэнд харуулж байна.

Чадахгүй бол ядаж "copy & paste" хийж сурцгаая. Тэгээд ХАРИУЦЛАГА-тай болцгооё.

Хариуцлагаа гэж...

Ишлэл.........санамж, сонордуулга

2011-01-04T11:57:00.006+09:00

Монгол Улсын Их Хурлын гишүүн, Дэд бүтцийн сайд агсан С. Зориг
"Улс үндэстнийхээ эрх ашгийг хамгийн дээр тавих ёстой"

Их найрагч, Монгол Улсын Их Хурлын гишүүн агсан О. Дашбалбар
...
Гэргий минь би чамд өөрөөсөө илүү хайртай
Эх орондоо чамаасаа илүү хайртай
Чинийхээ төлөө өөрийгөө ч хайрлахгүй
Эх орныхоо төлөө бол чамайг ч хайрлахгүй ...

"Хүнээс аваагүй миний нутаг, хүнд өгөхгүй ганцхан нутаг"
"Эх орон минь харийнхнаар дүүрч, уул толгод, хөндий тал, нуга, хангай, говь цөлийг минь тэд судалж, тэд сэндийлж эхлэв. Монгол охидод гадаадын хүн бурхан, монгол эрс чөтгөр болж, монгол эрс нь улсаан биш, арьсаан бодож эхлэв. Эх орон минь шархадлаа. Энэ шархыг амь нас, эр зориг, оюун ухаан, авъяас билгээрээ нөхөх хөвгүүд нь хаа байна?...”

Галдан Бошигт хаан
“Миний газар нутгаас бурхан гуйсан ч бүү өг”

Хүннүгийн их хаан Модун Шаньюй
"Газар бол улс орны үндэс мөн"
“Газар байгаа цагт эхнэр, аргамаг хоёр олдоно. Газраа өгвөл надад юу үлдэх билээ”

Их найрагч Д. Нацагдорж

"Өссөн төрсөн бидний үндэсний хайртай нутаг
Өстөн дайсан халдвал үтэр өшиглөн хөөнө
Өсөхөөс сурсан үндсэн хэл, мартаж болшгүй соёл
Үхтэл орших төрөлх нутаг, салж болшгүй орон"

Төрийн соёрхолт зохиолч Зундуйн Дорж
“Хэл, хил, мал гуравтайгаа байхад хэн баян бэ? Монгол баян.
Хэл, хил, мал гуравтайгаа байхад хэн ялагдахгүй вэ? Монгол ялагдахгүй”

Монгол Улсын Ерөнхий сайд агсан, түүхч А.Амар
"Бидний дээд өвгөдөд эзлэгдэн захирагдаж байсан бусад аймгууд нь харин биднийг эзлэн захирахад хүрээд, бидний өвгөдөөр удирдуулан явсан бусад үндэстэн нь харин бидний багш болоход хүрчээ…"
"…Гадаадын хүчирхэг түрэмгий улс бидний өргөн уудам нутаг газар ба бидний баялаг мал аж ахуйд шунаж өнгөлзөх болсон амуй…"

Монгол Улсын Үндсэн хууль
“Газрыг гадаадынханд худалдахгүй, өмчлүүлэхгүй, бэлгэнд өгөхгүй, барьцаанд өгөхгүй, арилжихгүй”

Нэгэн яруу найрагч
"Алтан дэлхийн хагасыг
Өмчилж бидэнд үлдээхэд
Алгын чинээ болтол нь
Буцааж бид алдсан
Цаг цагийн чуулган дээр
Нүүдэл нүүдлээр нь бид алдсан
Цагаан хэрэснээс хойшхийг нь
Түрээс төлбөрт алдсан
Хаад хаадын чуулган дээр
Уул уулаар нь алдсан
Уул уулаар нь алдахын өмнө
Ухаант мэргэдээ алдсан"

Бодрол

2010-12-29T15:29:00.008+09:00

Бүсгүйчүүдтэй би зугаацаж л явлаа
Бүүр түүрхэн дурлаж, өдөж л явлаа тэднийг
Бүтэн сартай шөнө амрагтай болзож л явлаа, гэхдээ
Бүлээн зүрх минь цохилж яваа цагт
Эх оронтойгоо би зугаацахгүй

Бүсгүйчүүдийг би хаяж л явлаа, гэхдээ
Бүлээн салхи сэвэлзэн униар татах зунаа
Будаа тарианы түрүү хонгортон найгах намраа
Бөртийх үүлчгүй ч цас хялмаалан жавар тачигнах өвлөө
Бүүдийх алсад зэрэглээ сүүмэлзэх хавраа санан
Эх орноо би хаяагүй ээ

Бүсгүйчүүдэд би хаягдаж явлаа
Цээжээ дэлдэн, шаналан цохилох зүрхээ чагнаж л явлаа
Дэргэдэх хүүхнээ уургалан, хуучин амрагаа мартах гэж
Дэл сул үгийг толгой мэдэн холбож явахдаа
Дундуурхан сэтгэлд минь гуниг хурж, нэгэн бодол зурсхийсэнсэн
Зуурхан ч болтугай ийм зүйл болохыг би үнэхээр хүсэхгүй нь
Эх орондоо хаягдахыг би хүсээгүй

Үгүй ээ, энэ л миний хүсээгүй зүйл
Үйлийн лайгаа эдэлж, амьдралын эрхээр тэнэж явсан ч
Үхтэл орших төрөлх нутаг гэж их найрагчийн хэлсэнчлэн
Үүрд, гүнээ сэтгэлд хоногших энхрий Монгол орон минь
Үр нь болсон намайг битгий хаяасай гэсэндээ
Бурхнаас би анх удаа сөгдөн гуйсан

Амжилт алдаа минь энэ л нутагтаа үлдэж
Аз жаргалыг би Монголдоо эдлэхийг хүсдэг
Хүний нутаг хичнээн сайхан ч
Хаврын хавсарга, өвлийн жаврыг минь
Миний сэтгэлээс булааж чадахгүй
Ийм л учраас Монголдоо би хайртай,
Монголоороо байхыг би хүсдэг

...............................

2010-10-20T18:07:00.002+09:00

Чамайг би санахдаа хурын усруу тонгойж
Дурсамжаа сэргээн, дахин бодно
Чиний төрхийг сэтгэлдээ ургуулж
Тэртээх өдрүүдийг нэхэн санана

Харах бүр жаргал бэлэглэсэн
Хайрын наран чи байсан
Хажууд нь суухад гэрэлтэн байсан
Хайрын туяа чи байсан

Хагацаагүй ээ бид, сэтгэлдээ хамтдаа байгаа
Харин биес минь бие биенээс хол, холын холд байгаа
Гуниглаагүй би чамайг дурсан, жаргалтай яваа
Гутал элээн гудамж ширтэн алхахдаа итгэлтэй яваа

Монголоо алдсан Монгол

2010-10-11T16:40:00.008+09:00

Орчин үед аялал жуулчлал хөгжиж, хөлтэй нь хөлхөж, хөлгүй нь мөлхөж хараа хүрэх газраа очиж, гараа хүрэх газраа сарвайж байна. Зуны урин дулаан дэлгэр цагаар Монголд маань гадна дотны жуулчдын хөл тасрахгүй газар олон. Дээр нь хавраас эхлээд намрын хайлган цагийн эхлэл хүртэл газар сайгүй болох найр, наадмыг зүглэх олны хөл тасрахгүй. Тэд ч хот суурин газрын чийгтэй байшингаас холдож гарсан улс, ойр орчмын газар, уул усанд очиж, амарч тухалж байгаад буцна.

Жижигхээн довцог дээр гараад орчныг дурандах нутгийн өвгөнд эргэн тойрон хөлхөлдөх жуулчдын олон машины өлөн тоос, хүч мэдэн давхих уул уурхайн хүнд даацын тэрэгнүүдийн газар доргиох мэт дуу чимээ, тоос, тэднийг давхин өнгөрөх тоолонд дардайн хоцрох зам, үхжин сааралтах өвс ногоо аниргүй их талын дунд буцлах нэгэн өдөр болсоор удсан гэлтэй.
Гэвч өдгөө тэр машины гаргаж байгаа утаа тоос, түүний үр дүнд талаар нэг зам гарч, тэр болгонд нь хээрийн өвс ургамал багассаар, зэрлэг амьтад ч дуу чимээнээс дайжин холдож буй байхдаа. Ядаж байхад хур бороогүй саатах зун олон болсныг хэлэх үү. Дайн дээр дажин л гэсэн үг. Нутгийн өвгөн энэхэн зуур санаа алдан, малаа хаагуур оторловол тарга тэвээрэг гайгүй авч болохыг ч мэдэхээ байсан гуниг хуралдсан саарал нүдээр тэртээх зүг хараа бэлчээн, тамхиа нэрж суугаа байх.
За тэгээд дээр нь энд тэндэхийн даншиг наадам, ийм ч хайрхан, тийм ч уулын тахилга, төрийн тахилга энэ тэр гээд зуны турш наадам тасрахгүй. Тэр бүрт нь машин хүн амьтан нэгэн хөндийд шавааралдан бууна.
Наадам дууснаа дуусна. Хоёр өдөр болдогсон уу, гурван ч өдөр болдогсон уу нэг юм дуусна. Хүмүүс буцдагаараа буцаж, зарим нэг нь үргэлжлүүлэн аялна. Булт бужигнаж, түм түжигнэсэн их наадмын хөлд чирэгдсэн тэр хөндий, тэр тал тэнгэрт хадсан их тоос, газраар хөглөрсөн их хогтой хоцорно. Энд тэндгүй ундааны сав, лааз, цэвэрлэлгүй явсан хөглөрсөн буурь. Эндэж ядарсан ногоон тал өлийх өвсгүй өлч цагаан тоос бургилуулж, салхины аясаар тэнгэрт хөөрөн буй нь тэр. Цаашилбал аялж яваа хүмүүс нь уул ус, мод, хүн чулуу, хөшөө дурсгал, хөрөг дурталгал, гол горхины эх, рашаан булаг бүрт хадаг өргөж ёсолж, идээ будааныхаа дээжээр урьд хойтохоо даатгана.
Төрийн тахилгатай түмний шүтээн уулан дээр ч гарсан, төлөгч, удгануудын онгон шүтээн модыг харсан ч, түүх дурсгалын цогцолбор, хөшөө дурсгал дээр ч, түмэн олны залбирдаг бурхан шүтээн суварганд ч тэр, хаа сайгүй хадаг яндар гэх навсайсан юм өлгөөстэй. Харваас сүрийг нь гутааж, зүсийг нь гундуухан харагдуулах. Харин уясан, өлгөсөн, зүүсэн бид хамаг юмаа даатгаад сэтгэлийн сэвээ арилгаад, итгэлээ зузаалаад, ирээдүйгээ даатгаад явж байна гэж бодох. Хатан дэлхий минь энэ зуур онгон төрх, омог бардам өнгө зүсээ гундааж өөрийг нь шүтэн ирж дээж юугаа өргөсөн ард түмнийхээ өгсөн идээ будаа, сүү, шар тосны дээжээр биеэ мялаана. Эргэх цаг, салхины аясаар хайлан урссан тос юун дээр нь хог новш, шороо тоос наалдан тэр гэхийн тэмдэггүй хачин өнгөтэй, үнсэн саарал юм болох.
Айдаа тэд хүнсэн бол:
Хүүе Доржоо, Дулмаа найзруугаа сүү, цай, шар тос битгий цацаач, өнгө зүс минь гундана, хиртэж, сэмэрч тоос шороонд дарагдан орчныг бохирдуулагч хадаг гэх тэр эдийг битгий надаас уяж, өлгөөч, эргэн тойронд минь хаяж, орхин явах гэж байгаа хог, ундааны сав энэ тэрээ машиндаа хийчээч, эргээд ирэхэд чинь би өнгө зүстэй, омог бардам онгон төрхөөрөө та нарыгаа угтаж авъя гээд гуйх байсан байх.
Нээрээ л Монголд хаа очно, навсайсан хадаг өлгөсөн байх. Тэр нь уулын орой, рашаан булгийн эх, хөшөө дурсгал, суварга энэ тэр гээд бүхий л зүйл дээр өлгөөстэй байх. Хүн болгон нэгнийгээ дууриаж өлгөсөөр байгаад нөгөөдөх нь навсайж хөглөрнө.
Уг нь би "ХАДАГ" гэгчийг эрдмийн багш, эрхэм хүн, эмч домч, элбэрэлт эцэг эхдээ барьдаг ариун нандин зүйл гэж өвгөдөөс сонсож өссөн. Хаа хамаагүй газар өлгөж, навсайлгадаг эд биш гэж.
Хүн хадаг өлгөлөө гээд амьдрал сайжирч, аз жаргал ундрах юм гэж би лав боддоггүй. Өлгөхгүй байлаа гээд гутарч гуниж, гундуухан явах юм гэж санадаггүй. Харин уул ус минь, ургаа мод минь, рашаан булгийн эх, хөшөө дурсгал минь тэр зүйлийг өлгүүлснээр навсайсан, нурж байгаа юм шиг, зүс юу нь гундсан харагдах. Ямар олиг байхав.
Уулын хормойноос нэг чулуу авч гараад овоонд нь нэмэрлэхийн оронд хадаг өлгөх , усны эхийг нь хамгаалахын оронд хадаг уяж нэрмээс болох хүмүүс олон. Цаашилбал он цагийн элэгдэлд эмтэрч, эвдэрч тахир дутуу юм шиг харагдах хөшөө дурсгалыг засаад авахын оронд дээр нь хадаг яндар өлгөж, даажигнаж байгаа юм шиг хүмүүс ч олон. Нэг талаар сүслэн биширч байгаа юм шиг ч, нөгөө талаар тухайн гар хөл нь хугарч, толгой нь алга болсон хөшөө дурсгал дээр хадаг өлгөж байгаа нь "Чаддаг юм бол өөрөө аваарай" гэж хэлж байгаатай адил. Голын эх, рашаан булагнаас ус уучаад хээвчгүй хажууд нь нус, шүлсээ хаях нэгэн ч бий. За тэгээд бүх л хүмүүс бараг овоон дээр архины дээжээ өргөөд, шилийг нь хоослоод хаяад явдаг. Арзайж хоцорсон, хагарч хугарсан шил нь овооны чулуунаас олон болж байгаа биз.
Бид чинь худаг, усандаа сүүгээ ч дусаадаггүй, уул овоогоо дээдэлж бүсгүйчүүд нь гардаггүй, ухаа ягаан цэцгийг ул үндсээр нь тасалдаггүй, бууриа сэлгэж нүүхдээ бууцаа цэвэрлэж явдаг, рашаан усаа духандаа хүргэж тэнгэрийн хишиг хэмээн сүслэн залбирч хүртдэг байгальтайгаа шүтэн барилдлагатай амьдарч ирсэн ард түмэн баймаар юм.
За тэгээд эдийн засгийн хөгжил нь нэн тэргүүнд тавигдаж, экологи нь хойш хаягдаждээ. Энд тэндгүй уурхай ажиллаж, газрын баялгийг авах. Авсныхаа дараа "БАЯРЛАЛАА" байхгүй хаяад явах. Аав ээж нь тэдгээр хүмүүст хэлээгүй л юм байхдаа. Хэн нэгнээс бэлэг авсан бол баярлалаа гэж хэлж бай гэж.
"Аяганы хариу өдөртөө
Агтны хариу жилдээ" гэдэг юм хүнээс юм авсан бол хариуг нь хэзээ нэгэн цагт барих хэрэгтэй гэж сургасан л баймаар юм. Эх сайхан газраасаа эрдэнэс баялгийг нь авчаад, адаг сүүлд нь ухсан нүхээ булаад, мод ургамал тарьчихалгүй хаяад явчих. Нөгөө олны хэлдгээр "нинжа" гэдэг нөхдүүдтэй бол бүүр ч ярилтгүй байх. Ёстой л өөрөө болж байвал тэр гэж боддог байх. Юун тэр газар шороо манатай Тэнд бол хажуу нүхний Дондог цул алт олж гэж сонсвол, алаад ч хамаагүй алтыг нь авах гэж оролдох ухамсрын доод түвшин нь хөгжсөн увайгүй баагийнууд олон байдаг гэсэн.
Энэ бүхнийг хэлдэг нь аялал жуулчлал, уул уурхай өөр бусад зүйлсийг буруутгах гэсэндээ биш. Гагцхүү бүхнийг тооцож, авах гээхийн ухаанаар хандан, байгальтайгаа шүтэн барилдлагатай амьдарч ирсэн өвгөдийн сургаалийг сонсож, зөв алхаж байюу гэсэн санаа. Ээж, эмээ маань бидэнд тэр уул, тэр хөшөө, суварганд идээ будаа өргөөд ир гэхдээ биерүү нь цацаад ир гэж явуулдаггүй л байх. Холоос өргөж болно шүү дээ. Бусдыг дууриаж хадаг өргөөд, уяад ир гээгүй л байх. Хадаг өлгөөд хаяад явахад нь, хайлсан тос биеэнд наачаад буцахад, хагарсан шил дээр нь шидэхэд тэр овоо, хөшөө, уул ус, мод баярладаг гэж би лав бодохгүй байна. Энэ бидний хүндэтгэл юм уу? Энэ тэгээд өрөө нимгэлж, үр хойчоо даатгаж байгаа бидний арчаагүй арга уу? Энэ тэгээд бидний Монголын арга ядсан, мухардсан ёс уу?

(Энэ бичлэгт ашигласан зургийг интернэтээс татаад тавьчихсан болно. Зургийг нь дур мэдэн ашигласанд холбогдох хүмүүс намайг өршөөгөөрэй. Хэрэв таныг хүсвэл би зургийг тань хасах болно. )

Шүлэг

2010-09-22T20:27:00.003+09:00

Өмнө минь зогсоод ширтэх чинийхээ
Улаахан уруулыг амтлан үнсий
Учиртайхан харцыг чинь тогтоон уншиж
Урьхан чамайгаа тэврэн жаргая
Хайртай, би чамдаа хайртай

Аргадна чамайгаа тавгүй байх бүрт
Айдаг, санаа зовдог утас нь холбогдохгүй үед
Хааяа би өөрөө алга болдог, холбоо барилгүй
Харин тэр үед чи минь санаа зовж суугааг мэдэрч байдаг
Тиймээ, би чамдаа хайртай

Өглөө сэрчээд чамайгаа харах
Өөр юутай ч зүйрлэхгүй жаргал байдаг
Хожмын өдрүүдэд ч тйим л байх энэ жаргалыг
Хойшид бас чи минь наддаа өгөөрэй

IPO-ийн давуу тал

2010-09-15T11:10:00.007+09:00

Өмнөх бичлэгт дурьдаж байсан "Шинээр хөрөнгийн бирж дээр хувьцаагаа гаргах" үеийн давуу тал нь юу вэ гэдгийг энэ удаа тайлбарлах гэж оролдоё.

Шинээр гаргаж байгаа хувьцаа гэдэг нь нэг үгээр үйл ажиллагаа нь харьцангүй жигдэрсэн, хойшид улам хөгжин дэвших бололцоотой гэдэг утгаараа хөрөнгийн биржэд хувьцаагаа арилжиж байгаа пүүс компаний хувьцаа юм. Тэдний дотор бизнесийн модел нь олны анхаарлыг татахуйц ирээдүйн загвар байхаар компаниуд болон яг одоо маш хурднаар өсөж байгаа пүүс компаниуд ч их байдаг.
Хувьцааных нь үнэ ижил төрлийн үйл ажиллагаа явуулж буй бусад компаниудын хувьцааны үнэтэй харьцуулагддагч, шинээр хувьцаагаа гаргаж（IPO） байгаа компани нь түүх нимгэн, үйл ажиллагааны туршлага бага зэрэг зарим нэг асуудлаас болж хувьцааны үнэ нь харьцангуй багаар тогтоогдох нь бий.
Энэ утгаараа хувьцааны зарлаж байгаа үнээс анхны үнэ нь өндөр байх нь олонтаа ажиглагддаг.
Ойрхны жишээ гэвэл: Монголын Хөрөнгийн Бирж дээр Зоос банк(Одоогийн Төрийн банк) 2006 онд хувьцаагаа гаргасан бөгөөд нэгж хувьцааны зарласан үнэ нь 1000 төгрөг байсан нь 2008 он гэхэд 4000 төгрөг болж байсан.
Гэхдээ Монголын Хөрөнгийн Бирж дээр хувьцаагаа гаргасан компани цөөхөн, үйл ажиллагааны цар хүрээ ч тийм сайн биш байх.
Монгол улсын хувьд ихэнх компаниуд нь ХХК, болон үйл ажиллагааны цар хүрээ багатай, нэг хөрөнгө оруулагчтай байх нь олонтаа. Мөн хувийн хэвшлийн сектор байгуулагдаад 20-иодхон жилийн нүүр үзэж байгаа. Тиймээс манай компаниуд нь 100, 150 жил, түүнээс ч удаан хугацанд оршин тогтнож дэлхий нийтийг хамарсан глобал корпораци болж чадсан гадаадын том том компаниудтай харьцуулахад хөрөнгийн хувьд ч тэр, бас байгууллагын бүтэц, туулан өнгөрүүлсэн туршлага, түүхийн хувьд ч тэднийг бараадахгүй. Өндөр хөгжилтэй орнууд нь хөгжлийн түүхэн үеэ давж одоо бол харьцангуйгаар тогтворжиж, ЭЗ-ийн өсөлтийн хувь нь ихэвчлэн 1-2 хувь орчим байдаг. Иймд тэнд хөрөнгө оруулалт хийх боломжтой, өсч яваа шинээр хувьцаагаа гаргаж байгаа компаниудыг сонирхох нь их байдаг.
Сүүлийн үед манайд үндэсний гэсэн том компаниуд төрөн гарч, тэд гадаад зах зээлд үнэлүүлэн, гадаадын хөрөнгө оруулалтын том том пүүсүүдтэй хамтран ажиллаж, хамтарсан компани байгуулан олон улсын хөрөнгийн зах зээл (Хөрөнгийн бирж) дээрээс мөнгө босгож байгаа.
Хувьцааны арилжааны хөгжлийг өнөөгийн технологийн хөгжил, хурд дагалдаж явдаг. Хөрөнгийн Биржийн үйл ажиллагаа нь тогтворжсон өндөр хөгжилтэй орнуудад "Онлайн Брокер Дилерийн Компани"-ууд олноор бий болох болсон. Тэднийг ашиглан хувь хүмүүс хувьцааны арилжаанд оролцох явдал эрс нэмэгдсэнээр шинээр гарч байгаа хувьцааны арилжааг улам сонирхолтой болгосон. Тиймээс ч компаниуд богино хугацааны хөрөнгө оруулалтаас илүүтэйгээр хувьцааны анхны үнийг нь хурдтай өсөхөөр тооцож тогтоох нь их болж байгаа.
Ихэнх БДК-ууд хөрөнгө оруулагчийн хөрөнгийн байдал, өнөөг хүртэлх хувьцааны арилжаанд оролцож байсан байдал, мэдлэг, туршлага, нөөцийн хүчин чадал зэргийг нэгэн зэрэг харж байж IPO худалдан авах эрх олгодог. Ингэснээр жирийн нөөц бололцоо багатай, туршлага муутай хөрөнгө оруулагчдад барагтай л бол хувьцаа оногддоггүй. Гэвч "Онлайн үйлчилгээ дагнан явуулдаг"БДК болон БДК-уудын "Онлайн үйлчилгээ" нь ихэвчлэн хувьцааг "Бүгд тэгш эрхтэй оролцох" боломжийг нээсэн компьютераар рандомаар сугалуулах аргыг хэрэглэдэг. Ингэснээр мэдлэг туршлага багатай хувь хүмүүст ч шинэ гарч байгаа хувьцааг худалдан авах боломж нээгдэж байдаг.
БДК-уудийн зүгээс: Шинээр IPO хийгдсэн хувьцааны үнэ нь гэнэт өөрчлөгдөх нь элбэг тохиолдоно. Иймд сонирхож буй хувь хүмүүс, пүүс компаниуд нэлээд няхуур хандаж, энэ талаар судалж мэдэх, туршлага хуримтлуулах нь зүйтэй гэж зөвлөдөг юм билээ.

IPO буюу Initial Public Offering тухай

2010-09-02T16:16:00.005+09:00

IPO гэдэг "Хөрөнгийн бирж"-д "Шинээр бүртгүүлж хувьцаагаа гаргаж, арилжих" үйл явцыг хэлнэ. Ойрын үед Монголд IPO хийнэ, олон улсын хөрөнгийн бирж дээр хувьцаагаа гаргана гэсэн компаниуд бий болж, олон нийтийн мэдээллийн суваг ч энэ асуудалын талаар бичиж тэмдэглэх болсон.
Гэтэл IPO буюу шинээр хувьцаагаа гаргах гэдэг маань өөрөө юуг хэлж байгаа юм бэ? гэдэг талаар олон нийтийн ойлголт дутмаг байх шиг санагддаг.
Шинээр хувьцаа гаргах буюу IPO гэдэг маань, хөрөнгийн бирж дээр өмнө бүртгүүлж байгаагүй пүүс компаниуд шинээр хувьцаагаа албан ёсоор гаргаж арилжаалахыг хэлдэг. Ингэснээр хөрөнгө оруулагчид болон олон нийтэд өөрийн хувьцаагаа арилжаалах боломжтой болж байгаа юм. Энд IPO нь Initial Public Offering гэдэг англи үгнүүдийн товчлол.
IPO хийх аргачлалын хувьд, хөрөнгийн биржид гарч байгаа пүүс, компани нь шинээр хувьцаа бий болгон хөрөнгө босгох, эсвэл хуучин хувь эзэмшигчид нь өөрсдийн хувиа зарж борлуулах гэсэн хоёр хэлбэртэй. Ийм маягаар гаргаж буй хувьцааг "Шинээр гаргаж байгаа хувьцаа буюу IPO" гэнэ.

Шинэ гаргах болон эзний зарах хувьцааны үнийг нь "Bookbuilding" гэдэг аргачлалаар тогтоодог. Bookbuilding гэдэг нь "Хувьцаагаа гаргах гэж буй компани нь хөрөнгийн биржэд зуучлагч компани(Брокер дилерийн компани БДК)-д хандах бөгөөд, тухайн БДК нь хувьцаагаа гаргаж буй компаний хувьцааны талаарх мэдээллийг хөрөнгө оруулагчид болон олон нийтэд танилцуулж хувьцаа гаргахаас өмнөх эрэлттэй нь уялдуулан судалгаа хийж, хувьцааны анхны үнэ буюу нэрлэсэн үнийг тогтоох аргачлал юм.
Жишээ нь: "Монголтуг" хэмээх компани хувьцаагаа гаргах болсон бөгөөд, урьдчилаад БДК ньнэгж хувьцааг 1000-1300 төгрөг гэж тогтоолоо гэж үзье. Тэр үед хөрөнгө оруулагчид болон хувьцаа худалдаж авахыг хүсэгчид нэгж хувьцааг "1000 төгрөгөөр авья", "1100 төгрөгөөр авья", "1200 төгрөгөөр авья", "1300 төгрөгөөр авья" зэргээр өөрсдийн санлыг гаргана. Энэхүү эрэлтийг нь БДКсудалж үзээд жинхэнэ үнээ тогтоодог юм.
Ийнхүү хувьцааны маань нэрлэсэн үнэ тогтоогдонгуут, хөрөнгө оруулагчид БДК-д хандан хувьцааг худалдаж авна. Гэхдээ худалдан авагчийн тоо төлөвлөснөөс хэтэрсэн үед сугалаа сугалуулах арга хэрэглэдэг. Япон болон бусад өндөр хөгжилтэй орнуудын хөрөнгийн биржэд шинээр гарч байгаа компаний хувьцааг худалдан авах сонирхол маш их байдаг бөгөөд энэ үедихэвчлэн сугалаа сугалуулах аргыг хэрэглэдэг байна.
Яагаад шинээр хувьцаа гаргах нь хөрөнгө оруулагчдын сонирхолыг татдаг болохыг дараа өгүүлэмз.

Ирландад дэлбэрсэн галт уулын нөлөө

2010-04-21T12:53:00.005+09:00

Ойрын өдрүүдэд галт уулын дэлбэрэлтийн нөлөөгөөр, ойр орчмын болон дэлхийн нийтийн эдийн засагт нөлөөлөхүйц алдагдал гарч эхлээд байгаа билээ.

Дэлхийн том том авиа компаниуд онгоцоо хөөргөж чадахгүй болж, очер хүлээсэн зорчигчдын хөлд нисэх буудлууд дарагдаж байгаа. Аялал жуулчлал, гадаадад суралцагч оюутнуудын хөл хоригдох гэх мэтээр үйлчилгээ болон жирийн иргэд болон түүнчлэн улс төр, олон нийтийн үйл ажиллагаа, хурал цуглаанд ч доголдол гарч байгаа. Испанид болох ＡＳＥＭ-ийн орнуудын Санхүү Эдийн засгийн сайдуудын хуралд очиж, оролцож чадахгүй улсууд гарч байна. Олон улсын спорт тэмцээн, урлагийнхны тоглолтууд зогсоцгоож байгаа.

Мөн түүнчлэн энэхүү дэлбэрэлтээс болж үйлдвэрлэлийн салбарт доголдол гарч эхлээд байна.

4 сарын 21-ний байдлаар Японы Ёкохама болон Фүкүока хотуудад байрлах Ниссаны салбар үйлдвэр үйлдвэрийнхээ зарим дамжлагыг түр зогсоогоод байна.

Энэхүү үйлдвэрүүдээс хойт Америкийг чиглэн Мурана, Кюба зэрэг бидний мэдэх машинууд гардаг ба үйлдвэр зогссон шалтгаан нь дэлбэрэлт болон түүний нөлөөгөөр Ирланд дахь эд анги нийлүүлэх үйлдвэрээс хэрэгцээт эд ангиудаа авч чадахгүй болсонтой холбоотой гэнэ. 22-ноос хойш яах нь мэдэгдэхгүй байгаа уг үйлдвэрүүд түр зогсолтоос болж өдөрт 2000 машиныг үйлдвэрлэж чадахгүй болж байгаа гэх.

Төрсөн өдрийн мэнд

2010-04-07T00:24:00.005+09:00

Анд найз чамдаа төрсөн өдрийн мэнд
Аялгуут дуугаар бас давхар мэнд
Нас чинь явж эрийн цээнд хүрч чи
Надад бас хань болж, дэргэд минь үргэлж байдаг сайхан анд чамдаа төрсөн өдрийн мэнд.

Камертоны "Төрсөн өдөр"-ийг захиалсан боловч миний компьютерийн урын санд нь байхгүй гээд, энэ дууг оронд нь надад зориулж өгсөн юм.

Компьютер найз минь чамдаа баярлалаа.
Чи миний үнэнч анд шүү.
Учрах л байж...

Hallelujah

2010-02-14T12:10:00.003+09:00

i heard there was a secret chord
that david played and it pleased the lord
but you don't really care for music, do you
well it goes like this the fourth, the fifth
the minor fall and the major lift
the baffled king composing hallelujah

hallelujah...

well your faith was strong but you needed proof
you saw her bathing on the roof
her beauty and the moonlight overthrew you
she tied you to her kitchen chair
she broke your throne and she cut your hair
and from your lips she drew the hallelujah

hallelujah...

baby i've been here before
i've seen this room and i've walked this floor
i used to live alone before i knew you
i've seen your flag on the marble arch
but love is not a victory march
it's a cold and it's a broken hallelujah

hallelujah...

well there was a time when you let me know
what's really going on below
but now you never show that to me do you
but remember when i moved in you
and the holy dove was moving too
and every breath we drew was hallelujah

well, maybe there's a god above
but all i've ever learned from love
was how to shoot somebody who outdrew you
it's not a cry that you hear at night
it's not somebody who's seen the light
it's a cold and it's a broken hallelujah

hallelujah...

Ээжийн тухай дуу

2010-01-15T18:18:00.004+09:00

Нэгэн сонирхолтой бичлэг.
Сонирхогчын камераар бичигдсэн бичлэг ч гэсэн хүмүүс нь тодорхой танигдаж байгаа болохоор блогтоо тавьж орхилоо.
Монгол сүмочид болох Харүмафүжи, Асашёорю, Хакүхо, Монгол Улсын Гавъяат жүжигчин, 20-р зууны манлай эстрадын дуучин Б.Сарантуяа нар хамтран дуулж байгаа нь.

Өнгөрсөн оны 5 сард Токиод болсон "Хаврын баяр-2009" Монголыг Японд сурталчлах арга хэмжээ, наадмын хүрээнд дуучин Б. Сарантуяа хүрэлцэн ирж, оролцож баяр дээр минь баяр нэмж, өөрийн тоглолтоо бидэнд сонирхуулсан юм. Тэрхүүтоглолтод сүмочид маань хүрэлцэн ирж, ая дуугаа өргөж, Япон дахь Монголчууддаа мэндчилгээ дэвшүүлж буй байдал.

Улс тунхагласны баярын мэнд

2009-11-26T16:09:00.006+09:00

Нэгэн найзынхаа явуулсан мэндчилгээг блогоор минь зочлогч найзууддаа зориулая.
Та нартаа Монгол Улс тусгаар тогтнолоо тунхагласны 85 жилийн түүхэн ойн мэндийг хүргэе.

Найзууддаа УЛС ТУНХАГЛАСНЫ 85 ЖИЛИЙН ОЙН БАЯРЫН МЭНД ДЭВШҮҮЛЬЕ!!!

Эзэн сууж жаргасан их заяагаа сvсэглэж

Эх орон талынхаа ирээдvйн таалалд нийцvvлж

Эрдэнэсийн далайгаас шvvрдсэн итгэлийн сувд vгсээр

Эрх жаргалаа баталсан иргэн бvхний гараар

Тусгаар тогтнол чамайг

Тунхаглан бичнэ би

Эрх чєлєєний зарлиг ардын vндсэн хууль дээр

Эрх хэл соёлынхоо ад биш баян сан дээр

Эрдэнэтийн арга билиг алтан соёмбын гачил дээр

Эх нутгийн шорооны амиар солих ширхэг дээр

Тусгаар тогтнол чамайг

Тунхаглан бичнэ би

Ухаа хонгорын жолоог захлан татсан талбай дээр

Ухаант жанжин Сvхбаатарын зарлан дуудсан тунхаг дээр

Улаанбаатар нийслэлийн заяа тэтгэх дээвэр дээр

Улсаа ачлан захирсан засаг тєрийнхєє ордон дээр

Тусгаар тогтнол чамайг

Тунхаглан зарлана би

Санаж явъя

2009-11-26T12:53:00.001+09:00

Уншвал ухаан баяжина
Уурлавал стресс баяжина
Хайрлавал сэтгэл баяжина
Хөдөлмөрлөвөл амьдрал баяжина
Зовлонг давбал тэвчээр баяжина
Зориглоод хийвэл амжилт баяжина

Лемонс Токиод

2009-10-29T02:46:00.013+09:00

Лемонс хамтлагийн эрхэм фенүүд, сонсогчидодоо

Удахгүй Лемонс хамтлагийнхан маань Токиод нэгэн үдшийг сонсогчидтойгоо хамт өнгөрүүлэхээр болоод байна. Тэр үдэш хамгийн ойрхноос жинхэнэ амьд хөгжмийг мэдэрч, найз нөхдөөрөө амралтын өдрөө хөгжилтэй өнгөрүүлэх сайхан боломж.

Тоглолт
11сарын 14нд бямба гарагт 18.30 цаг
Шибаүра Маг гэгдэх Live house-т болно.
Тасалбарын үнэ 2500 иен бөгөөд, үүн дотроо нэг уух юм багтсан.

Хаяг: 芝浦マグ Shibaura MAG /Шибаүра МАГ/
〒108-0022
東京都港区海岸3-2-6 /tokyo to Minato ku kaigan 3-2-6/Studio Cube 326ビル「７F」

Токио хот, Минато дүүрэг, Кайган 3-2-6 Studio Cube 326 Building 7F

Хөтөч: JR Тамачи өртөөнөөс 10 минут, Yurikamome Шибаүра Фүтоо өртөөнөөс 5 минут алхана.
Газрын зургийг эндээс:

За тэгээд залуус минь бямба гарагийн үдшийг Лемонтой хамт, лемонтой цай уугаад , лемонтой яриаг лемонтой пивороор даруулаад, ер нь лемондсон нэгэн үдшийг хамтдаа.

Харилцах утас: Б.Мөнхтуг /Тугаа/ 080-5335-1028
Ж.Дамдинцэрэн /Дами/ 080-5077-8486

http://thelemons-in-japan2009.blogspot.com/

あなたに伝えたい

2009-10-20T15:11:00.007+09:00

あなたの言葉について行けなくても．．．
あぁ～、いい曲だわ。ぶっちゃけ、JーPOPあまり好きじゃないけど、この曲は心のそこまで響いている気がするワ～

Хөлбөмбөгийн хамгийн үнэтэй тамирчин

2009-06-12T00:26:00.008+09:00

Криштиан Роналдо: Португалийн шигшээ багийн нүүр царай, Английн "Пример лиг"-ийн аварга, өнгөрсөн улирал Европын шилдэг клубууд хүч үздэг "Аваргуудын лиг"-т багаа түрүүлхэд гол үүрэг гүйцэтгэсэн, 2008 оны дэлхийн шилдэг хөлбөмбөгчин гээд түүний гуншин дуусахгүй.

Английн пример лигийн аварга Manchester United багийн хагас хамгаалагч тэрээр энэ өдрүүдэд Испаний Ла лигийн шилдэг баг, Эзэн хааны клуб гэгдэх Real Madrid-руу шилжихээр болж байх шиг байна. Роналдогийн хувьд өнгөрсөн жилээс л Real -руу очих нь гэсэн яриа чих дэлсэж байсан ч түүнийг Man U-гийн дасгалжуулагч А.Фергусон явуулаагүй
Real Madrid-ийн хувьд дэлхийн шилдэг тамирчдыг үнэ цохиж эгнээндээ элсүүлдгээрээ алдартай. Тэд 2001 онд Францын шигшээ багийн домог болсон тамирчин З.Зиданыг түүхэн дэх хамгийн өндөр үнээр худалдаж авч байсан бол хэдхэн хоногийн өмнө Бразилийн шигшээ багийн тамирчин, Дэлхийн шилдэг хөлбөмбөгч, Италийн Милан клубийн тоглогч, хагас хамгаалагч Какаг 65,000,000（65 сая） еврогоор авахаар болоод байгаа билээ. Энэ нь Зиданы дараах түүхэнд хоёроор бичигдэж байгаа үнэ байсан.

Харин энэ удаа К.Роналдо 2001 онд Зиданы зарагдсан үнээс ч өндөр үнэ хүрлээ. Тэрээр Real -д 89,000,000（89 сая） еврогоор очихоор болж байх шиг байна. Энэ цагийн хөлбөмбөгийн өнгийг тодорхойлолцож байгаа түүний хувьд хөлбөмбөгийн хамгийн үнэтэй тамирчин болох хувь бас байна шүү.
Гуйж биш гуядаж авах юмдаа.
Ингэснээр Real Бекхэм, Зидан, Фигу, Роналдо（Бразил）,Раулын хослолоос хойш дахин дэлхийн шигшээ гэж хэлж болохоор боллоо.
Ирэх улирал бас үзүүштэй сонирхолтой болох бизээ.

ДАГУУЛАХДАА Л ДАГУУЛНА

2009-06-08T14:35:00.002+09:00

Нэгэн найзынхаа дуртай шүлгийг нь тавьлаа. Хөөрхөн санагдаад........

Асгараад ч цутгана уу дуслаад ч чиг орно уу яавал чиг яаг
Аясыг нь дагаад нороод л буцна
Аашлаад хөөнө үү аргадаад сууна уу яавал чиг яаг
Амрагтаа би очихдоо л очно
Хөглөрөөд чиг унана уу хуйлраад л чиг хийснэ vv яавал чиг яаг
Хөл доороо би гишгэхдээ л гишгэнэ навчисыг
Уйлаад чиг гуйна уу дуулаад чиг явна уу яавал чиг яаг
Учрахгvй байсан ч би зvvдэлж хононо амрагийг
Халираад ч одно уу бусгаад ч орхино уу яавал чиг яаг
Хазаарыг нь тааруулаад унахдаа л унана хvлгийг
Харамлаад чиг нууна уу халшраад ч гуйна уу
Хvнийх байсан ч дагуулахдаа л дагуулна би амрагийг

Шинэ ерөнхийлөгч Ц.Элбэгдоржтой уулзаж байлаа

2009-06-01T12:19:00.011+09:00

2009 оны 5 сарын 24-нд болсон Монгол Улсын Ерөнхийлөгчийг сонгох сонгуульд ялалт байгуулсан нь Ардчилсан намын нэр дэвшигч Ц.Элбэгдорж. Тэрээр шударга ёс, ардчилалыг тэргүүн зорилтоо болгон дэвшүүлж, өөрчлөлтийг хийнэ гэснээр сонгогдож чадсан болов уу.

Харин одоо нэгэн түүх сөхөн өгүүлье. 2007 оны 11сарын сүүл 12 сарын эхээр шинэ ерөнхийлөгчөөр сонгогдоод байгаа Ц.Элбэгдорж гуай Япон улсад айлчлан ирээд байлаа.
Японд суралцагч оюутан залуус, Япон дахь Монгол Оюутны Холбооноос зохиосон нэгэн арга хэмжээнд тэр хүрэлцэн ирсэн юм. Тэр үеийн дурсгал болж надад нэг гэрэл зураг үлдэж. Одоогоос нэгэн жил хагасын өмнө 2007 оны 12сарын 02-нд би түүнд Оюутны холбооны Япон хамтрагч, биднийг дэмждэг хүмүүсийг танилцуулж, ярианд нь орчуулга хийж байлаа. Тухайн үедээ түүнийг ерөнхийлөгч болно гэж зүүдлээ ч үгүй. Гэхдээ сэтгэлийн угтаа тэднийг УИХ-ын 2008 оны Сонгуульд ялалт байгуулаасай гэж бодож байсан.

Японы Гадаад хэргийн яамны урилгаар ирсэн энэхүү айлчлалынхаа үеэр Токио Гадаад хэлний их сургууль дээр лекц уншин Монгол, Япон оюутан, судлаач багш нарын асуултад хариулж байлаа.
Лекцийн төгсгөлд зохион байгуулагч Токио Гадаад хэлний их сургуулийн Монгол судлаач профессор багш, оюутнуудын зүгээс "2008 оны сонгуулиар ялалт байгуулж ерөнхий сайд болчихоод манай сургуулиар дахиад ирээрэй" гэсэн урилгыг авч байх шиг байсан.
Шинэ ерөнхийлөгч маань энэ хүсэлтийг нь биелүүлж чадаагүй, тэд сонгуульд ялагдсан.
Харин одоо ерөнхийлөгч болсон юм чинь Японд нэгэн өдөр айлчлан ирэх байх даа.

GM дампуурвал яах вэ

2009-05-30T12:59:00.017+09:00

АНУ-ын битгий хэл дэлхийн автомашин үйлдвэрлэлд асар их хувь нэмэр оруулсан, энэ үеийн машин үйлдвэрлэлийн хаан гэгдэх Женерал Моторс (хойшид GM ) корпарацийн үйл ажиллагаа доголдож дампуурлын ирмэгт ирээд байгаа.
Өнгөрсөн жилийн Лийман Бродерс санхүүгийн корпараци дампуурлаа зарласнаар дэлхий нийтэд ил болсон энэ хямралаар шил шилээ даран аварга компаниуд нуран унаж эхэлсэн. Ер нь хямрал гэдэг их хэмжээний зээлийг хөдөлгөж байдаг том компаниас эхлээд сөхрүүлдэг бололтой. Том компаниудын зээлийн тогтолцоо алдагдаад ирэхэд тэд доголдоно. Тэдний үйл ажиллагааны доголдолоос болж харьцдаг жижиг компаниуд нь ажлаа явуулж чадахгүй байдалд хүрч байна.
Яг л үүн шиг хэдэн жилийн өмнөөс л алдагдалтай ажиллаж эхэлсэн GM энэ удаа дампууралтай шууд нүүр тулгарч байна. Санхүүгийн болон даатгалын олон компаниуд энэ удаа GM-д тус болж чадахгүй өөрсдийгөө яах вэ гэж байгаа. Энэ үедGM-д засгийн газраас нь өөр тусламж хүсэх, гар сунгах газаргүй болов.
АНУ-ын засгийн газраас өмнө нь хоёр ч удаа мөнгө авч үйл ажиллагаагаа сэргээх гэж оролдсон ч бодсоноор нь болохгүй байгаа бололтой. Бушийн болон Обама засгийн газар нэг нэг удаа мөнгө олгож дампуурлаас гаргах гэж оролдож байв. Гэвч энэ нь хүслээр болсонгүй. Одоо гуравдахь удаагаа Засгийн газраас мөнгө гаргахаар ярьж байна.
GM нь 1908 онд байгуулагдсан цагаасаа хойш дэлхийн топ болтлоо өргөжин тэлж нэгэн зууныг үдэхдээ 260 гаруй мянган ажилчин, албан хаагчдыг эгнээндээ нэгтгэсэн хүчирхэг вант улс болоод байсан. Тэд дэлхийн хоёрдугаар дайн дууссаны дараа бизнесийн од нь гийж Форд-ыг гүйцэж түрүүлэн автомашин үйлдвэрлэлээр дэлхийд тэргүүлэгч болж чадсан.
Энэ аварга компанид бидний сайн мэдэх, мөрөөдлийн машин гэж хэлж болох Кадиллак(Cadillac), Бьюик(Buick), Шевролет(Chevrolet),GMC, Жи Эм Дэу(GM Daewoo), Холден(Holden), Хаммер(Hummer), Опель(Opel) зэрэг маркийн автомашинууд үйлдвэрлэгддэг. Манайд Хаммер, Опель нь элбэг орж ирсэн харагддаг. Нэгэн жилийн хугацаанд эдгээр машиныг нийт найман сая ширхэг үйлдвэрлэн борлуулдаг болоод байсан. Одоо бол тэр түүх болон үлдэх болж.
За тэгээд энэ олон янзын машиныг үйлдэрвэхийн тулд бас машины эд анги, тоног төхөөрөмж нийлүүлдэг маш олон үйлдвэртэй хамтран ажиллах ба тэдгээр нь АНУ-аас гадна бусад улс орны салбаруудтай нь хамтран ажилдаг тухайн улс, орон нутгийн үйлдвэрүүд байдаг.
Нэгэн жишээ гэхэд GM нь Японы нийт 102 компанитай хамтран ажилдаг бөгөөд тэдгээрээс дурьдвал Исүзү моторс, Сүзүки, Брижстон зэрэг ланжгар компаниуд байхаас гадна жижиг тоног төхөөрөмж, машины эд анги ниилүүлдэг компаниуд байна.
Хэрэв GM дампуурлаа хүлээн зөвшөөрч, зарлавал энэ мэтчилэн дэлхийн олон улс орон дахь тэдний хамтран ажиллагч пүүс, компаниуд нь нийлүүлсэн эд ангийнхаа төлбөрийг эргүүлэн авч чадахгүйд хүрнэ. GM нь одоогоор эд анги нийлүүлэгч үйлдвэрүүдэд төлөх өр нь 25,5тэрбум доллор болоод байгаа. Монгол улсын бараг л 25 жилийн төсөвтэй тэнцэх хэмжээний мөнгө. АНУ-ын Засгийн газар Крайлер болон GM-ыг дахин хөл дээр нь зогсоохын тулд нэлээд чармайж байгаа бөгөөд, тэдний эд анги нийлүүлэгч компаниудад төлөх өрийг нь дарж өгөхөөр хэлэлцэж байгаа ч тэнд яригдаж байгаа мөнгөний хэмжээ 5 тэрбум доллар. Энэ хэмжээний мөнгө GM-ийн өрний зөвхөн барагцаалбал тавны нэгтэй л тэнцэж байна. Тэхээр энэ мөнгөөр Крайслер, GM хоёрын өрийг дарж эд анги нийлүүлдэг компаниудыг баярлуулна гэдэг бол худлаа сонсогдож байгаа юм. Гэхдээ л АНУ Засгийн газар "Холбооны дампуурлын тухай хууль"-ийн 11дүгээр заалтын дагуу ажиллан бүх арга хэмжээг авахаар ярилцаж байна.

Энэ удаа Засгийн газрын хөрөнгө оруулах саналыг хүлээн авбал GM-ийн бүх хувьцааны 72.3%-ийг АНУ-ын болон Канадын засгийн газар хувааж (Канад 12%) эзэмшихээр болж байгаа бөгөөд, үйлдвэрчний эвлэл нь 25.3%, үлдсэн 2.2%-ийг нь компанийн удирдлагууд эзэмшихээр тохиролцож байгаа бололтой. Үндсэндээ GM нь улсын өмчийн үйлдвэр боллоо гэсэн үг.
Мөн жилд 8 сая ширхэг машин борлуулж байсан бол түүнийг бараг хоёр дахин бууруулж жилд 4-5сая ширхэгийг борлуулах төлөвлөгөөтэй байгаа гэнэ.
Энэ маягаар явбал GM дахин сэргэхдээ улсын үйлдвэр болж төрөх нь.
Харин эд анги нийлүүлсэн төлбөрөө авч чадахгүйд хүрч байгаа пүүс, компаниудын хувьд ихээхэн хүнд байдалд орно. Эд ангиа нийлүүлдэг байсан хамтрагч нь сөхөрснөөр жижиг компаниуд дахин худалдан авагч хайна. Гэтэл хямралаас болж зах зээл дээрх худалдан авах чадвар буурч машин зарагдахгүй байгаа энэ үед бүх л компани үйлдэрлэлийн тоо хэмжээгээ багасгаж байна. Тэд дахин эд анги нийлүүлэгчидтэй нэмж гэрээ хийхгүй нь ойлгомжтой. Энэ үзэгдэл японы автомашины зах зээлд ихээхэн нөлөөлөөд зогсохгүй цаашлаад иргэдийн аж амьдрал хэрэглээний эдийн засагт шууд нөлөөгөө үзүүлж байна.
Мөнгөгүй, нийлүүлэх газаргүй болсон жижиг дунд үйлдвэрүүд мөнгөний эргэлтгүй болж доголдоно.
Үүнээс үүдээд ажилгүйдэл нэмэгдэх гэх мэтээр сөрөг үр дагаварууд гарч байгаа бөгөөд хэдий хүрч, хаана хямрал зогсоод хэзээ энэ компаниудын ажил сэргэж, ажлын байр шинээр бий болох бол. Таашгүй.

Цагийн ажил

2009-05-29T23:14:00.009+09:00

Гадаадад сурч байгаа оюутнууд ажил амьдралаа залгуулахын тулд "Цагийн ажил" хийх нь элбэг. Цагийн ажил гэдэг нь хичээлийн бус цагаар, өөрийн боломжтой үедээ хийж болох ажлыг хэлнэ.
Манай оюутан залуус тэр бүр мөнгө төгрөгөөр хангагдсан байдаггүй. Тийм боломжтой гэр бүл ч харьцангуй цөөхөн. Иймээс хичээлээс гадуурх чөлөөт цагаараа ажил хийх нь жирийн үзэгдэл, бүр байх ёстой, хийх ёстой зүйл нь байдаг.
Тэтгэлэгт хөтөлбөрт хамрагдаж байгаа оюутнуудын хувьд мөнгөөр гачигдах нь харьцангүй гайгүй байх талтай.
Тиймд энэ удаа Японд цагийн ажил хайхдаа юуг анхаарах хэрэгтэй болох, энэ процесыг ямар дараалалаар хийвэл зохих талаар санамж бичье гэж бодлоо.
Ерөнхийдөө таван үе шаттай.
Японд үнэгүй тараагддаг Townwork, Domo зэрэг сэтгүүл болон http://baito.mynavi.jp зэрэг сайтуудаар орж ажлын талаарх мэдээллийг олж авч болдог.
1. Өөрийн хиймээр байгаа ажлыг хайх. Үүнд ямар нөхцөлд?, Хаана байрлалтай?, цалин хөлс? гэх мэт хэд хэдэн асуултыг өөртөө тавьж ажлын сонголтоо хийх.
Тэгээд тухайн ажлын зарын нөхцөлтэй танилцаж өөртөө тохирсон ажил, компани зэргийг сонгох
2. Дараагийн алхам бол сонгосон ажлын газарлуугаа утасдах. Утсаар ярих нь ажилд орох нэг чухал алхам болдог. Иймд ярихдаа чимээ аниргүй газар, тод дуугаар, харилцагч этгээдээ хүндэтгэн ярих хэрэгтэй байдаг.
Ингэхдээ хаанаас ажлын байрны талаарх мэдээлэл авсан болохоо хэлээд өөрийнхөө нэрийг хэлэх. Дараа нь тухайн байгууллагын хүний нөөцийн ажилтантай холбож өгөхийг хүсэх.
Утсаар ярихдаа Япон хэл дээр хүндэтгэлийн хэллэг ашиглан ярьвал хамгийн зүгээр.
3. Ажлын маягт бөглөх.
Хүнсний дэлгүүрүүд болон жижиг 8 нэрийн барааны дэлгүүрүүдэд ажилд орохдоо бөглөдөг маягт болох"Рирэкишо"-г зарж байдаг.
За тэгээд нэг тийм хуудас цаастай болчихвол түүн дээрээ өөрийн боловсрол эзэмшсэн байдлаас эхлэн хийх ажилтайгаа холбогдуулан өөрийгөө рекламдах хэрэгтэй болох. Гаргацтай зөв бичиж, зургаа наагаад бэлэн болгох.
4. Дараагийн алхам бол "Ярилцлагын шалгалт" өгөхөөр очих. Эхлээд өгч байгаа хүмүүс өөрийн эрхгүй сандрах нь бий. Үүнээсээ болоод буруу зөрүү ярьчих гээд байдаг тал бий. Хэдийгээр гадаад хүмүүс тухайн орны хэлийг төгс эзэмшинэ гэж байхгүй ч гэсэн илэрхий алдаа гаргавал ажилд орж чадахгүй л гэсэн үг.
Тиймээс юу ярих талаар, ямар асуулт өөрт чинь тавьж болох талаар бодож хариулт бэлдсэн байх нь чухал. Гэхдээ олон удаа яваад ирэхээр, мөн хэлээ сайн сурчихсан бол сандраад, зовоод байх явдалгүй.
5. Талархалаа илэрхийлэх
Эцсийн дамжлага бол чамайг ажилд авсан гэсэн мэдээ ирэх. Утсаар юм уу эсвэл бичгээр ирнэ. Ажилд авна гэсний хариуд утасдаад баярлалаа гэж хэлэх нь зүйтэй. Хэрэв чи ажилд тэнцээгүй бол чамруу ихэнхдээ холбоо барихгүй байх талтай. Үүнийг ярилцлагын үед хэлсэн байдаг. Хэрэв та манай ажилд тэнцвэл тэдний өдөр тэдэн цагийн үед танруу залгана гэх мэтээр урьдчилан хэлдэг бөгөөд танруу бид эргэж холбогдоогүй тохиолдолд та тэнцээгүй гэж ойлгоорой гэж хүсдэг. Ихэнх тохиолдолд ийм байдаг.
За тэгээд та ажилдаа тэнцсэн бол ажлын эхний өдрөө, хэдэн цаг ажиллахаа, мөн яаж ажилдаа явж очих зэргээ нягтлан шалгаад, бэлтгэлээ ханган ажлын өдрөө хүлээх л үлдэх шив.
Сануулахад илүүдэхгүй нэг зүйл бол япончууд ажлаас хоцрох, шалтгаангүйгээр ажил таслахыг нэг нүдээрээ үзэхгүй.
Хэдийгээр энэ таван дамжлагыг дамжин ажилд орох нь элбэг ч гэсэн танил талаараа зуучлуулаад ажиллах боломж бас бий. Монгол оюутнууд бие биедээ ажил танилцуулах, найз нөхдөө зуучлан хоорондоо холбоотой, амь нэгтэй амьдрах нь олонтаа.
Олон жил болсон хүмүүс энэ тал дээр нэлээд туршлагатай байдаг. Мөн багш нар болон сайн таньдаг япон хүмүүсээрээ ажил зуучлуулах тал бий.
Миний бичсэн энэхүү зөвлөгөө хэзээ хэнд хэрэг болохыг мэдэхгүй ч, юутай ч танд амжилт хүсье.

Гадаадад байгаа монголчууд Ц.Элбэгдоржийг дэмжиж байна

2009-05-22T11:14:00.004+09:00

Гадаадад суралцаж амьдарч байгаа залуус маань үргэлж эх оронтойгоо сэтгэл нь холбоотой байдаг. Монголын зүгээс нэг сайхан мэдээ ирэхэд нүдэндээ нулимс хуруулан суух ба нэг муу мэдээ соснохоороо сэтгэл зүрх маань эмтрэн байдаг.
Хөөрхийлөлттэй нь гадаадад байгаа Монголчууд бид Монгол Улсын Үндсэн Хуулиар олгогдсон сонгох эрхээ эдэлж чаддаггүй. Үгүйдээ л ерөнхийлөгчийн сонгуульд санал өгмөөр байдаг ч тийм боломж бидэнд олдохгүй л байна.
Гэлээ ч гэсэн эх оронд маань болж байгаа сонгууль бидний анхаарлын төвд байсаар байгаа.
Ингээд хэсэг нөхдийнхөө хийсэн нэгэн бичлэгийг оруулж, тэднийхээ дуу хоолойд хүч түрэн уухайлая гэж бодлоо.

Энэ бол Токио, Лондон, Вашингтон, Сан Франциско хотуудад амьдарч байгаа найз нөхдийн маань уриа юм.
Тэд Монгол улсын Ерөнхийлөгчийн сонгуульд Ардчилсан Намаас нэр дэвшигч Ц.Элбэгдоржийг дэмжихийг уриалсан байна.
Хурай, хурай, хурай..............Үйлс бат оршиг!!!

Сонгуулийн талаар эргэцүүлэл

2009-05-15T14:28:00.008+09:00

Сая 4 сард би Монгол яваад ирсэн.
Яг сонгууль зарлагдаад, нэр дэвшигчид ид сурталчилгаагаа эхэлж байх үетэй давхцсан амралт байлаа.
Манайхан ч талцдагаараа талцаж, хэн нь хэн бэ гэдгийг мэддэг хэрнээ хэн нэгнийг нь дээр гаргаж, нөгөөг нь муулахаар хэл амаа билүүдэцгээж байх шиг.
За тэгээд сонгуулийн сурталчилгааны явцыг хөндлөнгөөс харж байгаа надад бодогдсон хэд хэдэн зүйл байлаа. Угаас гадаадад байдаг нэрээр сонгууль өгөх эрхээ хасуулсан хүн юм чинь хөдлөнгөөс харж үнэлэлт дүгнэлт хийж явлаа.
Нэр дэвшигчдийн хэлж ярьж байгаа үйл. Урьд өмнө хийж гүйцэтгэж байсан ажлууд, нийгмийн аль давхарга, хот хөдөөрүү чиглэсэн алхам, тэдэнд илгээсэн, илгээж буй мессэжүүд нь энэ удаа хүмүүсийн анхаарлыг нэлээд татаж байх шиг байна.
Урьд нь хэн урлагийнханд мөнгө хаяж, үнэгүй шоу хийж чадна, тэр хүнд төдий чинээ хүмүүс иргэд тал засдаг байлаа шүү дээ. Гэхдээ одоо тэр цаг холдон, түүх болсон бололтой.
Урлагийнхан ч мөнгө саадаг улирлын чанартай нэг ажил нь байхгүй болсонд харамсаж байх шиг.

Сонгуулийн сурталчилгааны нээлт:
Н.Энхбаяр(Одоогийн ерөнхийлөгч, МАХН-аас нэр дэвшигч)
Би олон зүйл хийж амжуулсан, иймээс намайг бүгд дэмжиж байна гэж харуулах гэсэн юм уу Соёлын Төв Өргөөнд хийсэн нээлтэн дээрээ Монгол Улсын Урлагийн ахмад зүтгэлтнүүд, акулууд болох Ардын жүжигчин Хайдав, Долгор, Дамчаа.........., Монгол Улсын Гавъяат тамирчин, Хөдөлмөрийн баатар, Олимпын аварга Түвшинбаяр, Бадар-Ууган гээд нийгмийн альч салбарт хүлээн зөвшөөрөгдсөн хүмүүсээр дэмжигчдээ бүрдүүлж сүр дуулиантайхан авч байв.
Ц.Элбэгдорж(Ардчилсан Нам-аас нэр дэвшигч)
Чингис хаан, Сүхбаатар жанжны хөшөөнд мөргөж Нийслэлийн намын байраараа очоод , дараа нь Эрх Чөлөөний талбайд очив. Түүнийг харин нэлээд олон хүн талбай дээр угтаж авч, амжилт хүсэх шиг болсон. Тэгээд уулзалт хийх маягаар даруухан эхлэв.

За тэгээд хоёр талын хөдөө орон нутгаар явж, иргэдтэй уулзаж байх нь телевизээр мэдээ болон гарч л байлаа.
Хэлж ярьж буй байдал: Энхбаярын хувьд Монголын их өр гээчийг тэглүүлснээ ярьж явна. Мөн ашигт малтмалын орлогоос иргэдэд өгөх гэсэн сонгуулийн амлалт болох 1,5сая төгрөгийг өгүүлэх болно. Цаашлаад төрийн их сургуулиудын сургалтын төлбөрийг байхгүй болгоно гээд гоё юм ярьж байсан.
Мэдээж энэ нь хөдөө орон нутгийн иргэдээс хүчтэй дэмжлэг авч байгаа. Манайхан яг ямар аргаар яаж тэр хөрөнгийн эх үүсвэрийг бий болгож(Эдийн засгийн хямралаас болоод Улсын Их хурал, Засгийн газар нь өгөх боломжгүй, төсөвгүй гэж байхад) ямар арга замаар тараахыг нь асууж барих биш. Өгнө гэнгүүт нь шууд өнөөдөр гар дээр нь тавиад өгөх юм шиг бэлэн сэтгэж, хүлээж байх шиг.
Нөгөө талаар сургалтын төлбөрийг хөнгөлнө гэдэг хоосон ходоодтой хонох шахдаг нийгмийн дунд болон доод давхаргын хүмүүст үнэхээр сайхан сонсогдож байгаа.
Гэтэл ингэснээр ямар үр дагаварт хүргэж болохыг иргэд боддог эсэх нь эргэлзээтэй, За даа бараг байхгүй биз.
Миний бодлоор төрийн эзэмшлийн их дээд сургуулиудын сургалтын төлбөрийг тэглэснээр хувийн хэвшлийнхний хүчтэй эсэргүүцэлтэй тулгарна. Энэ нь ерөнхийлөгч нь иргэдийнхээ эв нэгдлийг сахин, хамгаалах үүрэгтэй гэсэн Монгол улсын үндсэн хуулийн заалтыг шууд зөрчих мэт.
Бас нөгөөтэйгүүр улсын их дээд сургуулиудад үнэгүй сурах гэсэн сурагчид, оюутнуудын тоо олширч нөгөө авилга маань дээд зэрэгтээ хүрэх бий.
Одоогоос 2 жилийн өмнө нэгэн танилын маань хүүхэд МУИС-ын Эдийн засгийн ангийг 3сая төгрөгөөр хахуульдаж авснаа ярьж байсан.
Энэ бол их дээд сургуулиудын төлбөр хувь хувьсгал ялгаагүй байхад тохиолдож байгаа авилгалын нэгэн жишээ. Гэтэл нэг тал нь төлбөргүй, дээр нь нэр хүндтэй байгаа тохиолдолд тийшээ хошуурагчид олширно. Бүгд л үнэгүй юманд нугасгүй шүү дээ. Тэгвэл нөгөө 3 сая хүрч байсан хуваарь маань хэд болох болоо? Төсөөлөшгүй.
Ийм маягаар Монголд маань авилга нуур байсан бол далай болох нь. Далайд сэлүүргүй завь төөрдөг шүү дээ. Бид яг л тийм байдалд орох байх.
Герман зэрэг баян оронд их дээд боловсрол үнэгүй байдаг гэсэн. Харин манайх буурай, хөгжих гэж явж байгаа орон байж "Галуу хэрээг дууриаж хөлөө хөлдөөнө" гэдэг шиг юм болж ч магад. Учир нь энэ жил гэхэд төсвийн байгууллагуудын төсвийг таначаад байгаа. Эрүүл мэндийн салбар 20 хувь, Спорт 27,5 хувь, Боловсол бас 20 орчим хувь гээд танагдчихаад байдаг. Энэ хямрал хэдий үргэлжлэхийг хэнч мэдэхгүй байдаг. Ийм байхад сургалтын төлбөрийг нь байхгүй болгосон их дээд сургуулиудад төрөөс төсөв хуваарилж чадахгүй.
Энэ мэт нөхцөл байдлыг харгалзан үзвэл манайд төрийн эзэмшлийн их дээд сургуулиудын сургалтын төлбөрийг байхгүй болгоно гэдэг нь үлгэр болж байна. Ерөнхийлөгч маань үүнийг бодоогүй биш хэнээс ч илүү мэдэж байгаа байх.
Гэхдээ сонгогдохын тулд иргэдийнхээ сэтгэл зүйгээр тоглохыг тэр юман чинээ бодсонгүй юу даа. Магадгүй энэ удаас сонгогдчихвол 4 жилийн дараа Н.Энхбаяр би дэвших эрхгүй юм чинь юу ч гэж хэлээд, ямарч хамаагүй аргаар сонгогдоё гэж бодоод байгаа юм болов уу?
Тэрээр нээрээ сонгуулийн сурталчилгаа эхэлсний дараахан Монголын компаниудын захирал, бизнесийнхнийг хүлээн авч уулзсан. Тэгэхдээ тэрхүү уулзалт, хүлээн авалтад оролцсон компаниуд нэг сая төгрөгийн такс төлсөн гэж байгаа. Ерөнхийлөгчийн нэр хүндээ ашиглаад тэр хийж чаджээ. Японд байсан бол Компаниудаас дэмжлэг, хандив авч болохгүй хуультай болохоор шууд л элдэв асуудал болоод, Энхбаяр толгойгоо цустах байлаа. Аз болж Монголын хуульд тийм юмыг хориглодгүй юм шиг байна.

Өрсөлдөгч нь ийм байдлаар иргэдийнхээ эмзэг сэтгэлийн утсан дээр эдийн засгийн аргаар тоглолт хийж гарах гээд зүтгэж байна.
Харин Элбэгдорж "Боловсрол бол үнэ цэнэтэй байх ёстой. Үнэ цэнэтэй боловсрол эзэмших хүн түүнд тохирохуйц мэдлэг боловсролтой болж чадна" гээд ярьж явна. Түүний үг түмэнд хүрч байгаа болов уу?
Хүмүүн гэдэг ихэвчлэн маргаашийн өөхнөөс өнөөдрийн уушгийг илүүд үздэг бололтой.
Ц.Элбэгдорж миний бодлоор хэдий зөв үг, хэлж байдлыг ухамсарлаж, зөв дүгнэлт хийж байгаа боловч, ингэж бодож байгаа хүн хэдий хэр байгаа бол?
Эсвэл их дээд сургуулийн насны хүүхэдгүй би бодит амьдралаас хэт тасарчаад иингэж яриад байгаа юм болов уу?
Юутай ч Элбэгдорж боловсролыг үнэлж байх хэрэгтэй гэж ярьж явна.
Тэрээр ардчилсан, шударга ёсны талд зогсогч ерөнхийлөгч байхаар шийдсэн байна. Үүнийг тэр хийж чадах л байх.
Монгол Улсын ерөнхий сайдаар хоёрантаа сонгогдож, 2004оноос хоёр жил ерөнхий сайд байхдаа авилгатай тодорхой хэмжээгээр тэмцэх гэж оролдож байсан. Хэдийгээр хоёр удаа ерөнхий сайд болж байсан аз түүнд байвч тухай бүр бүрэн эрхийнхээ хугацааг дуусгалгүй огцорч байсан нэн азгүй эр. Тэр улс төрийн тавцанд ганцаарддаг ажээ.
Эсвэл "Ноёнтой өстэй хүн толгойгүй, нохойтой өстэй хүн хонгогүй " гэдгийн үлгэрээр бүлэг хүмүүсийн эрх ашгийг хөндөөд, түүндээ явчихдаг байх. Угаас улс төрийг бохир гэдэг биз.
Элбэгээгийн хувьд сонгуульд ялна гэдэг тун бэрх байх.
Юутай ч мэдээлэлээр тэгш хангагдаж, хүмүүс наад цаадахыг бодох боломжтой байдаг Улаанбаатар хот түүний нэгэн стратегийн бүс болох байх.
Сонгуульд ялалт байгуулахын тулд тэрээр нийслэлд үнэмлэхүй ялалт авахгүй бол хэцүү. Тэгээд цаашлаад ардчилсан хувьсгал гарахаас дэмжиж, тэдний талд зогсож байдаг Хөвсгөл, Сэлэнгэ аймаг болон өөрийн унаган нутаг Ховд аймагтаа гарцаагүй ялах хэрэгтэй.
Мөн цаашлаад бас ардчилалыг дэмжээд байдаг хэд хэдэн аймаг, баруун бүсдээ сурталчилгаагаа сайн хийж, хүмүүст хүргэх хэрэгтэй байх.
Н.Энхбаярын хувьд гарна гэвэл ч маш олон арга бий л дээ.
Бизнесийхэн араа бодоод өөр намыг дэмждэг байсан ч ерөнхийлөгчийн хүлээн авалтанд хэн нэгнийг төлөөлөл болгон явуулж түүний хэтэвчийг зузаатган, сонгуулийн сурталчилгаанд нь хандив өргөн тал засах.
Мөнгө хөрөнгө зузаантай ерөнхийлөгч маань хуучин аргаа хэрэглэнэ, Хөдөө орон нутаг дахь нэр хүндээ ашиглана.
Ингээл барианд ороход хүүхдээ бусгачихгүй л бол Намбарын хүүгийн морь торойгоод ороод ирэхэд байг гэх газаргүй.
Энэ удаагийн сонгуулиар нэг авууштай нь Сонгуулийн Ерөнхий хорооны дэргэд анх удаа хэвлэл мэдээллийнхэнд хяналт тавих, хоёр нэр дэвшигчийн сурталчилгааг адил түвшинд гаргаж, нийтэлж байхыг сануулах Хэвлэл мэдээлийн хяналт тавих нэгэн алба байгуулагдах шиг болсон. Хоёр намын сурталчилгаа, хэвлэл мэдээлэл хариуцсан менежерүүд болон олон нийтийн телевиз, радио, сониноос төлөөлөгчдөөс тэр албыг бүрдүүлж байх шиг байсан.

Дуучин Сараа Японд тоглоно

2009-04-15T23:42:00.004+09:00

Монгол Улсын Гавъяат жүжигчин Б.Сарантуяа Япон Улсын Токио хотын Нэрима дүүргийн Хикаригаока цэцэрлэгт хүрээлэнд болох Монгол улсыг Японд сурталчах зорилготой Япон дахь Монгол ОюутныХолбооноос зохион байгуулдаг "Хаврын баяр-2009" баярт оролцохоор болсон.
Энэхүү арга хэмжээ, Япон дахь Монгол баярт оролцсныхоо дараа 2009 оны 5 сарын 4-нд 19 цагаас өөрийн бие даасан тоглолтоо Хаврын баяр болох Хикаригаока цэцэрлэгт хүрээлэнгийн хажууханд орших Hikarigaoka-IMA hall-д(http://www.ima-hikarigaoka.jp/) тавихаар болсон билээ.
Энэхүү тоглолт нь түүний Япон улсад амьдарч байгаа элэг нэгт Монгол түмэндээ зориулан хийж байгаа анхны тоглолт юм.
Дэлгэрэнгүй мэдээлэл http://sarantuya-in-japan2009.blogspot.com/ дээр тавигдах болно.
Мөн 080-5335-1028 гэсэн утас болон
mongoltug @gmail.com хаягаар холбоо барина уу?

Морин хуурынбэсрэг тоглолт болов

2009-03-03T01:28:00.006+09:00

Японы Канто мужийн Сайтама аймгийн Коокүү Кооэн хотын "Мюзе" театрын концертын бага танхимд нэгэн тоглолт боллоо. 2009 оны 3 сарын 1-ны өдөр сэтгэл нь хөдөлсөн настай голцуу хүмүүс адил өнгийн цэнхэр торгон тайзны хувцасаар ижилсэн гоёсон харагдана.
Бэсрэг чуулгын тоглолтонд ирж буй юм шиг миний сэтгэл ч их хөдөлж байлаа.
Тэд бол Японд хэлний сургуульд сурангаа морин хуураа таниулах, сурталчлах үйлсэд хувь нэмэр оруулж яваа Монголын чадварлаг, залуу морин хуурч А.Бат-Очирын япон шавь нар байлаа.
Морин хуурч Бат-Очир Японд "Морин хуурын чуулга"-ын болон Монголын төрийн албан ёсны айлчлалын соёл урлагийн хэсгийн бүрэлдэхүүнд багтан олон удаа аялан тоглолт хийж байсан. Тэгээд өнгөрсөн жилээс Японд суралцах болсон юм. Энэ хугацаанд олон олон шавь нартай болж, өнгөрсөн жилээс тэдэнтэйгээ байнга морин хуурын дугуйлан маягаар хичээллэж байлаа.
Японд морин хуур сонирхдог, сонсдог хүмүүс олон байдаг. Гэтэл тэднээс морин хуурыг тоглож сурья гэж боддог хүмүүс бас нэлээд байдаг бололтой.
Ингээд нэгэн жилийн турш морин хуур тоглож сурч эхэлсэн Япончууд багштайгаа нийлэн "Тэнгэр хуур" гэж морин хуурын клуб байгуулж тэрнийгээ хүмүүст таниулах, өөрсдийн сурч буйгаа дүгнүүлэх гэсэн анхны шалгалтаа өгөхөөр ийнхүү бэсрэг концерт хийхээр болсон байна. Шавь нарынх нь дотор морин хуур сурч эхлээд дөнгөж нэг сар болж байгаа хүн байгааг Бат-Очир хуурч танилцуулж байсан.
Тэд Л.Мөрдөрж, Д.Лувсаншарав, Жамъяан гуай болон Н. Жанцанноров гээд аваргуудын хөгжмийг зоригтойхон сонгож тоглож, хуурын чавхдсыг уяраана.
Япон хуурчдын гоцлолын ард төгөлдөр хуур, ёочин хөгжмөөр дагалдан хөгжимдсөн тоглолт байлаа.
Мэдээж мэргэжлийн морин хуурчдын тоглолттой зүйрлэшгүй ч сэтгэлээсээ морин хуурыг дарж, тоглож сурах гэж байгаа тэдний зүтгэл, халуун сэтгэл нь хүмүүст хүрч байв. Тоглолтын номер эхлэх дуусах бүрд бэсрэг концертын танхимд нижигнэх алга ташилтанд сандарсандаа ганц нэг өнгөө алдчаад байгаа хүмүүс байсан ч Монгол үндэсний хөгжмийг минь Монгол залуучууд биднээс илүү дээдэлж, сурах гэж тэмүүлж буй тэдэнд үнэхээр толгойгоо бөхийлгөн баярлалаа гэж хэлсээн би.

Удахгүй би ч гэсэн тэдэн шиг тоглодог болно доо гэж гэгээхэн бодол сэтгэлдээ тээн тоглолтын танхимыг ардаа орхисон доо.
Тиймээ, тэнгэргэрлэг "Морин хуур" маань хил дамнан хөглөгдөж, яруухан эгшиг нь цаашид ч тасралтгүйгээр цууриатан байх биз.
Энэ үдэш цагаан сарын шинийн таван, сар эгц босоо, тэнгэр цэлмэг одод ганц нэгээр гялтганасан үдэш байлаа.

No Worries

2009-03-01T15:24:00.001+09:00

Сонсох дуртай дуунуудын маань нэг нь.

Та эд зүйлсээ хаяж гээгдүүлсэн бол

2009-01-22T11:16:00.001+09:00

Японд ажиллаж амьдарч байгаа Монгол ахан дүүстээ хэрэг болох болов уу гэсэн үүднээс энэхүү мэдээллийг бичиж байна.
Бидний өдөр тутмын амьдралд өөрийн хэрэгтэй зүйлсээ хаяж, гээгээд сандрах тохиолдол бишгүй тохиолддог.
Ялангуяа хүний нутагт амьдарч байгаа бидний хувьд ийм зүйл тохиолдвол яавал дээр вэ?

Мэдээж хамгийн түрүүнд юу хаяж, гээсэн талаарх мэдээллийг цагдаад өгөх хэрэгтэй.
Өөрийн холбоо барих хаягаа цагдаад хэлж, юу юуг хаана явж байгаад алга болгож, хаяж гээсэн талаараа бичнэ. Хаана хаяснаа санах боломжгүй бол хэдийд хаясан гэдгээ мэдсэн болох талаараа бичнэ.
Тухайлбал: .. оны .. сарын .. өдөр.. цаг орчимд гээд л бичих хэрэгтэй байдаг.

Хэрэв таны гээсэн зүйл олдвол харъяалах газрын цагдаагийн тасгаас танруу утасдах болно.
Ер нь тэгээд хаягдсан гээгдсэн зүйлийн талаар Японы хууль дүрэмд юу гэж заасан байдаг талаар бага зэрэг тайлбар

Хаягдсан, гээгдсэн зүйлийг хадгалах хугацаа богиноссон！（Японы "Хаясан гээгдсэн зүйлийн тухай хууль"-ийн нэмэлт өөрчлөлт）

(1) Хаягдсан гээгдсэн зүйлийг хадгалах хугацаа нь богиносов.
　 Урьд нь хаягдсан гээгдсэн зүйл цагдаагийн газарт хүргэгдвэл 6 сарын хугацаанд хадгалагддаг байсан бол, энэ удаагийн хуульд орсон нэмэлт өөрчлөлтөөр 3 сар болж богиноссон байна.
　Мөн шүхэр, бүх төрлийн хувцас, ороолт, болон савхин эдлэл, гутлыг бол 2 долоо хоног хадгалдаг болсон нь өмнөхтэйгөө харьцуулбал хамаагүй богиноссон байгаа юм.
Хэрэв хаяж гээгдүүлсэн бол энэ талаар анхаарахгүй бол болохгүй нь.

(2) Олсон хүний эрхийн талаар
　 Хадгалах хугацаа нь богиноссонтой холбогдон , хаяж гээгдүүлсэн зүйлийг олсон хүн бол, тухайн зүйлийг олсноос хойш 3 сар болоод эзэн нь ирж аваагүй бол эзэмшигч болж болох эрхтэй болсон.
Гурван сарын дотор эзэн нь ирж юмаа авбал, олсон хүн нь тухайн зүйлийн ５～２０％-тай тэнцэх талархлын мөнгийг авах эрхтэй.（Хуулийн ２８-р зүйл）
　Гэхдээ олсон хүний хувьд

①Бусдын хаягдсан гээгдсэн зүйлийг олсон бол 7 хонгийн дотор цагдаад хүргэж өгөх.
②Их дэлгүүр болон өртөөн дээрээс олсон тохиолдолд 24 цагийн дотор тухайн газрын холбогдох хүмүүст хүргэж өгөх
гэх мэт үүргийг хүлээгээгүй бол тухайн зүйлийг эзэмших эрх болон хаягдсан зүйлийг хадгалах зардал болон талархлын мөнгийг ч авах боломжгүй юм.

Мөн, цагдаад хүргэж өгөхгүй бол "Хаясан гээгдсэн зүйлийн тухай хууль"-д заасны дагуу хүний юмыг дур мэдэн хэрэглэсэн гэдэг зүйл ангиар эрүүгийн хэрэг үүсгэгддэг юм байна.
(3)бусад
Галт тэрэгний өртөө болон том дэлгүүрүүд гэх мэтийн газраас олдсон бусдын эд зүйлсийн хувьд, тухайн газрын хаягдсан гээгдсэн зүйлийг хадгалах газарт хадгалж байдаг. Хугацааны хувьд 2 долоо хоног хадгалдаг байх. Бас интернэтээр ч хаягдсан, гээгдсэн, мартсан юу олдсон талаарх мэдээллийг тавьж байдаг.

Нэг давуу тал нь Японд ихэнх тохиолдолд хаясан гээгдсэн зүйл олддог.
Харин таны зүйл алга болоод, хаана хаясэн гээсэн байж болох талаар санахгүй байгаад, мөн та цагдаад мэдүүлсний дараа таньд ойролцоогоор 14 хоногийн дотор хариу ирэхгүй бол хэн нэгэн хулгайлж , эсвэл хэн нэгэн хэрэглэж байна даа гэж бодож болох байх.
За тэгээд хүний газар эд зүйлсээ сайн харж явахгүй бол.
Хэдийгээр манайхтай харьцуулахад халаасны хулгай, цүнх зүсэх гэх мэтийн асуудал бараг байхгүйтэй адил ч гэсэн олон хүн сайнтай муутай л байдаг.
Дээр нь манай улсаас ч илүү гадаадын янз бүрийн хүмүүс ажиллаж амьдарч байдаг олон хөлийн газар. Хууль бусаар амьдарч байгаа хүмүүс ч хэдэн саяар яригдах газар хүний юмыг аваад хэрэглэчихье гэсэн хэн нэгэн байдаг л байх.

Би бүжиглэх дуртай

2009-01-15T21:09:00.005+09:00

Авъяас гэдэг нэг заяахаараа харамгүй байдаг бололтой. Асашёрю барилдахаас гадна усанд сэлж, сайн бүжиглэдэг гэнээ. Бас дуулдаг гээд байгаа...элдэвтэй золиг шүү.

Асашёрюг заналхийлсэн байна

2009-01-13T18:14:00.007+09:00

Нэг сарын барилдаанд цаашид яах нь шийдэгдэж магадгүй болоод байгаа аварга Асашёрю Дагвадорж маань энэ сард нэлээд хичээж барилдаж байх шиг байна.
Гэтэл энэ башёгийн эхний өдөр интернэтэд " Одоо ингээд сүмогийн ордонд очиж Асашёрюг ална" гэсэн бичлэг тавигдсан байна.
Сурвалжлагчид болон ойр тойрныхондоо аварга маань эмээж байгаа талаараа ярьсан байна.
Энэхүү заналхийллын мөрөөр цагдаагийнхан бас шалгалт хийж байгаа ажээ.
Японд интернэтээр аллага хийнэ гэж бичээд, яг тэгээд хүн алж байсан гэмт хэрэг нэлээд гарч байгаа болохоор Аса-д ч бас аягүй л байгаа бололтой. Хамгаалалт захиалсан гэж сонсогдож байсан.
Тэгэхээр ер нь болгоомжтой байхад илүүдэхгүй л байх.
Олон түмэн харж байна, дэмжиж байна. Монгол аварга гайгүй байхаа.
Аса-даа амжилт хүсье. Сайн барилдаад түрүүлээрэй.

Шинэ жилийн мэнд хүргэе

2009-01-01T15:35:00.006+09:00

HAPPY NEW YEAR

Шинэ он гарлаа
Шинэ жил ирлээ
Ай хөө шинэ жил минь
Амархан сайн байна уу?

гээд л юу юугүй он солигдож 2008 он тэртээ ард хоцорч хэдийн өнгөрсөн жил болж орхилоо. 2009 он маань бидний урдаа барьсан зорилгын биелэх эхлэл болж сайхан цэлмэг өдрөөр эхэлж байна.
Сэтгэл сэргээд бүхнийг хийж амжуулах хүсэл зориг хэн бүхэнд минь төрөө байхаа.

За тэгээд өнгөрсөн жил ч янз бүрийн юм боллоо доо. Сургуулиа төгсөх гэж хичээгээл явж байтал, магистрын шалгалтаа өгч чадсангүй. Сэтгэл санаа тал дээрээ ч дээш доош савлаад сайхан- муухай ээлжилсэн сонирхолтой жил байлаа. Саарын хажуугаар сайн нь ч бас байсан шүү. Тэр бүх амжилт ч бай, алдаа ч бай миний нэгэн жил байж, одоо ард хоцроод байна даа. Надаас хамааралгүй эргэн тойронд бас янз бүрийн юм болж өнгөрсөн байх юм. Надаас хамааралгүй хэрнээ надад нөлөөлж байгаа болохоор дурьдвал:
Дэлхийд санхүүгийн хямрал газар авч, Лийман ах дүү нар дампуураад эдийн засаг савлаад, Монголд сонгуулийн хямрал газар авч, бусармаг зүйл, хээл хахууль савлаад тоолуурын зүү дээд хэмжээндээ хүрч байх шиг байна. Ядаж байхад газын зурваст галзуу дайн эхэлж өнгөрөгч оны бөгсөнд хонх зүүгээд орхиж байна. Чичрэх нөлөөнд нь баахан иргэд амь алдаж, олон гэр бүлд гуниг гутрал, харуусал дагуулсан өдрүүд үргэлжилсээр.
Арлын Японд ч газар эх биеэ айхавтар шилгээж хэд хэдэн хүнийг өөрийн биедээ шингээн авч, хичнээн олон хүнийг орон гэргүй болгов доо.
Энэтхэг оронд ч алуурчин террористууд ч зүгээр суусангүй, зочид буудлаар галын наадам хийж эрдэнэт хүний ам хэдэн арваараа тэнгэрт халив даа.
Ингээд бичээд байвал 2008 он ерөнхийдөө дэлхий даяар хар мөр үлдээсэн жил гээд хэлчихэд буруудахгүй юм байна дөө.
Энэ жил 2009 он ямар байх бол.
Ээ дээ Эдийн засгийн уналт л биднийг баллах байхдаа. Хөлтэйг нь мөлхүүлж, хөлгүйг нь элэглүүлэх байхдаа.
Ширүүхэн л эхэлж байна. Аварга корпорациуд ажилчдаа халж, эхнээсээ бизнэс ашиг нь алдагдалтай гарна гэсэн тооцоо гараад байна.
Жишээ нь түүхэндээ анх удаа алдагдалтай ажиллана гэсэн тооцоог Тоёота корпораци гаргачаад байдаг. Женерал Моторс гэх мэт нь бүр өнхөрчихгүйхэн үлдэх байгаа.
Манайд гэвэл Анод банк нь савлаад л байгаа. Хэн нэгэн улс төрчийн уур нь хүрвэл бүр тараагаад тавьчиж ч магад.

За даа ингээд дандаа хар юм дурьдаад яахав. Ямар барагдах биш. Бас шинэ он дөнгөж гарч байхад амны билэггүй гэдэг нь гэж хэн нэгэнд хэлэгдэж магад.
Наран үүрд мандан байхад
Сэтгэлд гал байж л таараа
Сэтгэлд нь гал байхад
Сайхан зүйлс болж л таараа
Ингээд миний блогоор зочилдог найзууддаа шинэ жилийн мэндийг хүргэж, та нартаа эрүүл энх, сайн сайхан, ажил, хичээл сурлагын өндөр амжилтыг хүсээд хундагаа өргөе!!!!!!!

EARTH MARATHON　start

2008-12-17T17:46:00.005+09:00

Ийм нэгэн сонирхолтой холын зайн гүйлт өнөөдөр эхэллээ. Японы алдартай жүжигчин, дуучин, хошин шогийн мастерийн нэг Хазама Канпэй гуай дэлхийг бүтэн тойрч гүйхээр өнөөдөр буюу 2008 оны 12 сарын 17-ноос гараагаа эхэллээ.

Тэрээр 1949 оны 7 сарын 20-нд төрсөн, манайхаар бол ач, зээгээрээ тойруулж, тэднийгээ эрхлүүлж суух насны өвөө юм.
"Дэлхий тойрох марафон" нь Осака хотоос гараагаа эхэлсэн бөгөөд, Японы нутаг дээгүүр 700 гаруй км гүйж Чиба муж хүрэх аж. Төлөвлөгөө ёсоороо гүйвэл 2009 оны 1 сарын 1-нд Чибагаас завиар Номхон далайг гатлах аян нь эхлэх юм гэнэ. Тэгээд АНУ-Атлантын далай-Европ-Төв Ази- Хятад гэсэн маршрутаар гүйж 2011 оны хавар барианд орох төлөвлөгөөтэй гэнэ. Хоёр жил гаруй хугацаанд дэлхийг тойрон гүйх энэхүү марафон нь газраар 20000 км гүйж, усан дээгүүр 16000 км зам туулан аж.

Тоёота шок

2008-12-12T13:31:00.009+09:00

Япон төдийгүй дэлхийд машин үйлдвэрлэл, борлуулалтаараа тэргүүлж байгаа Тоёота корпорацыг өнөөгийн дэлхийн эдийн засгийг доргиож байгаа санхүүгийн хямрал тойрч гарсангүй.
Үнэхээр хүмүүсийн худалдан авах чадвар буурч байгаа нь тодорхой болж байгаа. Дэлхийд тэргүүлэх байрыг эзэлдэг, өнгөрсөн жилийг хүртэлх борлуулалт, орлогоороо нэгт ордог байсан Америкийн Женерал Моторс компани бараг дампуурлын ирмэгт ирээд байгаа бөгөөд, АНУ-ын засгийн газар ямарч аргаар хамаагүй аварч үлдэх бодлого баримталж байгаа билээ.
Эдийн засагчдын дүгнэж байгаагаар ЗГ-аасаа тусламж авсанч бизнес эргэлт, эдийн засгийн чадамж нь шууд сайжрахгүй ээ. Гэхдээ 2,3 жил тэсвэл энэ хямралыг даваад гарчих болов уу гэж Женерал Моторсыг дүгнэж байгаа. Аргагүй л дээ. Орлого нь, мөн нийт хөрөнгийн эргэлт нь манайх шиг жижиг улсын төсвөөс л гэхэд даруй10 гаруй дахин их. Ийм аварга хөлөг живбэл олон хүний амь усан доор орохтой ялгаагүй юм болох вий. Америк ч саалийн үнээгээ тавиад туучихгүй байх л даа.
(Доорх графикт Тоёотагийн жил бүр өсөж байсан борлуулалт болон ашгийг харуулж байна.
Улаан нь ашиг, цэнхэр баганан график нь орлого)
Харин Тоёота маань ноднин борлуулалтын тоогоороо Женерал Моторсыгоо гүйцэж түрүүлээд, цаашид орлогоороо ч дэлхийн топруу тэмүүлэх зорилт тавьж байсан билээ. Тэд 2007 оны сүүлээр ирэх жил (2008 онд) 10,400,000 ширхэг машин борлуулах зорилт тавиад байсан билээ. Тэгтэл дэлхийн эдийн засгийн төв болсон АНУ-д өрнөсөн Сабпрайм зээл(Орлого багатай, зээлийн нөхөн төлөх чадвар муутай иргэдэд олгосон байрны зээл)-ийг тойрсон санхүүгийн хямралаас болоод, дэлхийн хэмжээнд борлуулалт нь буурч эхэлсэн. 2008 оны 8 сард Тоёотагийн удирдлагууд 9,700,000 ширхэг болгож борлуулалтын тоо хэмжээгээ бууруулсан.
Гэвч санхүүгийн хямрал нь улам даамжраад эдийн засгийг зогсонги байдалд оруулж, дэлхийд ноёлох байр суурьтай байсан санхүүгийн том корпорац болох Лийман Бродерсыг дампууруулахаас гадна, бусад олон банк, даатгал, санхүүгийн луухгаруудыг цочролд оруулаад байгаа билээ.
Үүнээс улбаалан Тоёотагийн төлөвлөсөн хэмжээгээр машин нь борлогдож өгөхгүй сандаргаж, тэд 2008 оны 12 сарын 11-нд , борлуулалтынхаа зорилго тоо хэмжээг дахин бууруулж 8,000,000 болгоод байгаа билээ.
Нэг компаний хувьд ингэж нөлөөлнө гэдэг дэлхий дээр машин борлуулалт маш хурдацтай буурч байгааг харуулах тодорхой жишээ болж чадах болов уу?
За тэгээд тоо баримт цаашид үргэлжлээд байх бололтой.
2009 оны 3 сард гарах жилийн эцсийн(Японд шинэ хичээлийн жил, шинэ бизнесийн тооллоо 4 сарын 1-ээр тооцдог) тайлангаар Тоёотагийн нийт ашиг нь 600,000,000,000(600 тэрбум ) иен болно гэж тооцсон байна. Энэ нь өмнөх оны тайлантай харьцуулбал ашиг нь даруй 73 хувиар буурч байгаа тооцоо юм. Өөрөөр хэлбэл өнгөрсөн жилийн ашиг нь 1 триллион 600 гаруй тэрбум иен байсан байна.

Цаашилбал Тоёотагийн борлуулалт буурснаар Тоёота төв үйлдвэр нь байрладаг Япон улсын Айчи мужийн Тоёота хотын татварын орлого нь наян хувиар буурах хандлагатай байна. Хэрэв чингэвэл хотын төсөв нь хүрэлцэхгүйд хүрч, иргэд бүсээ чангалахаас өөр аргагүй болно.
Дээр нь ерөнхий боловсролын бага, дунд сургуулиудын засварт зарцуулах хөрөнгийн эх үүсвэр хумигдах болно. Энэ нь том хэмжээний газар хөдлөлт хэзээ ч болж магадгүй Япон шиг улсын хувьд хамгийн аймшигтай үр дагаварт хүргэж болзошгүй юм. Эдийн засгийн хямрал энэ мэтчилэн нийгмийн бүхий л давхаргад нөлөөлж байна.

Тэрчлэн ажилчдаа цөөлөх бодлого бариад эхэлбэл хоосон ходоодтой иргэд дэлхий дээр нэлээд багагүй тоогоор гарч ирэх магадлалтай болох байх даа.

Иймэрхүү байдлаар энэ хямрал үргэлжлээд, улмаар эдийн засгийн уналт болох юм бол зарим нэг эдийн засагчдын дүгнэж байгаа шиг Зах зээлийн эдийн засагт төгсгөл ирж байгаа юм болов уу? Та юу гэж бодож байна.
Төвлөрсөн төлөвлөгөөт эдийн засаг нь бүтэхгүй гэдгийг ЗСБНХУ болон түүнийг тойрон хүрээлэгч улсууд, тэр дотор БНМАУ буюу Монгол улсуудын жишээнээс харж болно.
Тэгвэл одоо шинээр ямар нэгэн эдийн засгийн тогтолцоо гарч ирэх юм болов уу?
За даа ер нь олон л асуулт гарч ирэх нь. Үндсэн сэдвээсээ хазайчихлаа.
Ингээд төгсгөхгүй бол.

Том компаниуд ажиллах хүчээ бууруулж байна

2008-12-10T16:18:00.006+09:00

Тоёота шок: Энэ үг өнгөрсөн 9 сараас гаарч эхэлсэн санхүүгийн хямрал, Лийман Бродерсын дампуурлын дараахнаас Японы эдийн засагт гарч ирсэн юм.
Дэлхий дээр болж байгаа санхүүгийн хямрал, түүнээс улбаалах эдийн засгийн доройтол, зогсонги байдал өндөр хөгжилтэй орнуудад ч хүнд тусаж байна уу даа. Хямрал, ажилгүйдэл гээд янз бүрийн хэлбэрээр илэрч байгаа.
Мэдээж энэ нь үндэстэн дамнасан том компани, корпорациуд их хэмжээгээр ажилчдаа халж байгаатай холбоотой бөгөөд хөгжиж буй орнуудад салбартай бол тэр хэмжээгээр тухайн орны эдийн засаг, ажилгүйдэлд нөлөөлөх нөлөө их байх болов уу?

Японыг ч бас энэхүү асуудал тойроогүй билээ. 2008 оны 9 сарын 10-нд их хэмжээний алдагдалд орсноо зарласан санхүүгийн аварга корпораци болох Лийман Бродерсын дампуурлаар олон хүн ажлаасаа халагдаж байсан бол саяхнаас Японы үндэсний том компаниуд ч ажилчдаа их хэмжээгээр цөөрүүлэх бодлого барьж байгаагаа зарлаж байна.
Жишээ нь Та бидний шимтэн үздэг зурагтыг үйлдвэрлэдэг цахилгаан барааны акулын нэг СОНИ компани дэлхийн хэмжээнд нийт 16000 ажилчнаа цомхотголд оруулах болсон нь тодорхой болоод байна.

Энэ талаар Японы Засгийн газрын Ерөнхий нарийн бичиг Кавамүра Такэо том компаниуд дуу дуугаа авалцан ажилчдаа цөөлж байгаа талаар 12 сарын 10-ны өглөө сэтгүүлчдэд "Том компаниудад хуримтлалтай байдаг болохоор ард түмнийхээ амьдралыг бодолцож үзээсэй гэж хүсэх байна. Ажиллах гэрээг цуцалж байгаа нь буруу юм аа" гэсэн байна. Тэрээр Сонигийн талаар "Үнэхээр түргэдсэн шийдвэр боллоо. Үүний нөлөө нь ч том байх байхаа" гэсэн байна.

Энэ мэтчилэн ажилгүйдэл өсөх нь шинээр сургууль төгсөөд ажил хайж байгаа залууст ч нөлөөлж байна. Ажилд орох нь нэгэнт тодорхой болсон байсан залуус компанийхаа зүгээс "Уучлаарай. Манайх таныг ажиллуулах боломжгүй боллоо" гэсэн хариуг сонсож байгаа бололтой. Сургууль төгсөөд л ажилгүйчүүдийн эгнээнд шилжиж байгаа гэсэн үг юм даа.

Японы ЗГ итгэл хүлээх чадвартай юу

2008-12-09T15:12:00.006+09:00

Сүүлийн хоёр жилд Япон улсын ерөнхий сайдууд бүтэн нэг жил ажиллалгүй огцорч байсан билээ. Яг л 96-2000 оны хооронд Монголын Засгийн газар дөрвөн ч удаа солигддог шиг ойр ойрхон засгийн газрын тэргүүнүүд нь огцорсон юм.
Ойрын үед энэ намар шинээр сонгогдсон ерөнхий сайд, түүний багийнханд итгэх итгэл нь сулраад байгаа нь судалгаанаас харагдаж байгаа билээ. Иргэдийн төрд үзүүлэн энэхүү итгэл нь 30 хувьд ч хүрэхгүй байгаа нь эрх баригч нам төдийгүй хэвлэл мэдээллийнхнийг ч ангайх байдалд оруулаад байгаа.
Мэдээж сөрөг хүчин болох Ардчилсан нам болон тэдний холбооныхонд байдал ашигтайгаа р эргэж байгаа бөгөөд тэд ч ерөнхий сайдыг танхимаараа огцорч, хууль тогтоох дээд байгууллага болох Шюги-инийг тараахыг шаардаж байна.
Ийм үед ерөнхий сайд Асо Тарогийн намынхан болон түүний багийн андууд нь ямар бодолтой байгаа бол:
2009 оны 12 сарын 9 буюу өнөөдөр болсон хэвлэлийн бага хурал дээр, Асогийн багийнханд дэмжих иргэдийн итгэл буурч байгааг зогсоох талаар болон цаашид яах ёстой вэ гэдэг талаар сайдууд нь өөрсдийн байр суурийг иоэрхийлсэн байна.
Ерөнхий нарийн бичиг Хатояма КүниО "Судалгааны дүн үнэхээр хэцүү тоонууд харагдаж байгаа ч, янз бүрийн муруй бол хувьцаа, үнэт цаасан дээр ч доод хэмжээндээ хүрээд гэнэт өснө. Удахгүй яг эсрэгээрээ эргэнэ. Хувьцаа өсөж эхэлнэ. Үсрэлт болох тэр учгийг нь атгаж авахгүй бол болохгүй" гэж хэлсэн.
Удирдлагын бүтцийн шинэчлэлийн албаны сайд Амари Акира "Өөрийн сонгосон төрдөө （намаа） болж байгаа үед нь доош нь татах биш, хэцүү үед нь ч дэмжиж , урамшуулж байх нь чухал юм" гэсэн байна.
Тэгвэл Санхүү Эдийн засгийн сайд Ёсано Каорү гуай "Япон чиглэж буй замдаа алдаа гаргахгүйн тулд өндөр хариуцлагатай ажиллах хэрэгтэй гэдгийг сайтар ухамсарлаж , хойшид хичээн ажиллах байхаа гэж бодож байна" гээд Ерөнхий сайд Аса Тарогийн хэрэгжүүлэх бодлогыг дэмжиж байгаагаа илэрхийлсэн байна.
Батлан хамгаалахын сайд Хамада Сэи-Ичи нь " Ерөнхий сайд, Өшөө жаахан өөртөө итгэж, өөрийн үгээр ярих хэрэгтэй байх." гэж хэлсэн байна.

Эдгээр сайдуудын хэлж байгаа нь ерөнхий сайдаа цаашид ажиллах бүрэн боломжтой, улам хичээх хэрэгтэй гэж хэлж байгаа бөгөөд, бусдын үгээр үг хийхгүй байх хэрэгтэй гэж зөвлөж байх шиг санагдана.
Аса Тарог Японы хэвлэл мэдээллийн зүгээс сайдуудынхаа хэлснээр байдаг, зарим нэг сайдынхаа үгийг хэт сонсдог өөрийн бодлого дутагдаж байна гэж шүүмжлэх нь бий.

Ер нь өндөр хөгжсөн оронд ч эрх мэдэл албан тушаалын төлөөх тулаан өрнөж байдагч, соёлтой хариуцлагатай байдгаараа Монголоос минь ялгаатай юм даа.

Сөрөг хүчин бөгсийг нь ухсан ч түүнд түүртэлгүй ажлаа хийгээд явах чадвар Японы одоогийн Засгийн газарт байгаа болов уу гэж бодогдном.

Нобелийн шагналын эзэн ингэж хэлэв

2008-12-09T14:37:00.008+09:00

2008 оны Нобелийн шагналыг нийгэм, эдийн засгийн салбарт хүртэж буй АНУ-ын Принстон Их Сургуулийн профессор П. Кругман 12 сарын 8-нд Швед улсад хүрэлцэн ирж, Стокольм Их Сургууль дээр дурсгалын лекц уншсан байна. Лекцнийхээ дараа болсон хэвлэлийн бага хурал дээр дэлхийн эдийн засгийн хойшдын чиг хандлагын талаар ярьсан бөгөөд "Японы алдагдсан 10 жилтэй адилтгаж болохуйц урт хугацааны зогсонги байдалд орох үзэгдэл болж магадгүй" гэж хэллээ.
Мөн тэрээр "2011 оныг өнгөртөл эдийн засаг энэ чигээрээ үргэлжлэх байдалтай байна" гээд, бодит байдалд санхүүгийн энэ хямралаас болоод дэлхийн хэмжээнд эдийн засгийн уналт 3 жилээс илүү хугацаанд үргэлжлэх байх гэсэн байна. "Нэн ялангуяа европын хувьд Аргентин, Индонезид болж байсан шиг хямрал болох магадлалтай" гэжээ.

(Эх сурвалжыг The Nikkei-ээс авлаа)

Blue Guilty Live

2008-11-30T12:25:00.003+09:00

Blue-г сонсдог хүмүүс нэлээд байдаг байх. Тэд ч авъяастай залуус шүү. Даанч иймэрхүү хамтлагийн тардаг жамаар тэд ч бас тус тусын мөрийг хөөсөн. Бүгд тусдаа цомог гаргаад л ... дуулаад л яваа байх...
Гэхдээ youtube гэж буянтны ачаар сонсох үедээ л сонсож чадаад байдаг шүү.
Энэ удаа 2003 онд тэдний хийж байсан нэг тоглолтыг сонирхуулмаар санагдаад. Жинхэнэ шоуг яаж хийдгийг ч харж болохоор. Гоё шүү... үзээрэй.

Юутай ч эхний дөрвөн хэсгийг нь оруулчихлаа.
Дараа бусдыг нь оруулахыг бодноо. Гэхдээ уншигч авхай та сонирхож байвал шууд youtube.com -оос үзэж болох юм даа.

Нойр хулжих цагаар

2008-11-27T03:13:00.007+09:00

Өнөөдөр гэнэт нойр хулжин элдвийг бодон хэвтэнэ. Уг нь ядарч л байна. Хэдэн өдөр компани дээрээ болсон семинарыг зохион байгуулах хэсэгт ажилласан надад, их ажлын ард гараад сайхан унтаж амрах хүсэл төрж байлаа.
Гэсэн ч чингээд унтах гээд хэвтэхээр нойр сэргээд түмэн зүйлийн бодолд дарагдаж орхилоо.
Яван явсаар тэртээх он жилүүд, 10 жилийн хөгжилтэй дурсамжаас авахуулаад, анхны хайр маань бодогддог юм байна.
Анхны хайр гэснээс, хүмүүсийн ярьдаг ортой байх аа. Анхны хайр бүтдэггүй гэж ярихыг олонтаа сонсож байсан ч бие биедээ дэндүү хайртай, тэгээд итгэдэг байсан бидний хувьд тэр яриаг ойлгодоггүй л байлаа.
Гэвч хайр гэдэг чинь хичнээн бие биедээ хайртай, итгэдэг байх тусам эмзэг байдаг юм болов уу? Нэг л мэдэхэд бид салчихсан байж билээ. Түүндээ гомдоод л...
Үнэндээ тэр маань яаж байгаа бол, надтай уулзахгүйгээр түүнд ямар хэцүү байгаа бол гэх талаар бодох ч сөхөөгүй. Зөвхөн л өөрт минь ямархан хэцүү байгаа талаар л бодож, тэрийгээ заримдаа хэн нэгэнтэй хуваалцан, бусдаар өрөвдүүлэх. Ингэснээр сэтгэл санаа маань дээрдэх биш, улам л хэцүү болчихдог байж билээ.
Удалгүй тэгээд гадаадад сурахаар явах болсон. Бараг л зугатаасан гэх үү дээ. Яг явахын өмнө найзууд маань гаргаж өгөх гэж цугларахад тэр маань ч ирсэн байж билээ. Түүнийг хараад л хайр маань дүрэлзэн асч, баярлаад, салаад удсан байсан ч тэр оройжин түүнийг тэврээд суусансан. Найз нөхөд эхэндээ жаахан гайхсан ч биднийг мэддэг болохоор тэгэсгээд л гайгүй болсон. Харин тэр маань надад тэр үед ч сайн байж билээ. Яагаад тэгээд намайг хуурсан юм гэдэг асуулт хоолой дээр гарч ирж байсан ч асууж чадсангүй. Бас түүнийгээ өөртөө сайн гэдгийг, бас найз залуугүй гэдгийг мэдсэн ч олон жил сурахаар явж байгаа би буцаад нийлэх талаар нэг ч үг цухуйлгаж чадаагүйсэн. Маргааш нь шууд нисэж билээ.Бүр сүүлд тэр үед түүндээ "Намайг хүлээгээч" гэж хэлэх минь яавдаа гэж амаа барьсан.

Анх удаа гэрээсээ хол, шууд хилийн дээс алхсан надад эхэндээ гэрээ санаад хэцүү байсан ч, залуу хүн орчиндоо амархан дасдаг л юм хойно төд удалгүй хэдэн найзтай болоод авлаа. Тэгээд л хичээл, цагийн ажил гээд гүйнэ. Завтай үеэрээ нөхөдтэйгөө гадуур зугаалах, нийлж хоол хийж идэх,партидах, нэгнийхээ төрсөн өдрийг тэмдэглэх гэх мэтээр өдөр хоногийг хөгжилтэйгөөр өнгөрүүлж, урьдын сэтгэл доторх юм замхарч байлаа.
Явснаасаа хойш хоёр жилийн дараа, нэг зуныхаа амралтаар Монголдоо харьж ирсэн. Тэгээд түүнтэйгээ уулзах гэсэн төлөвлөгөөтэй байтал, түүнийгээ найз залуутай, түүнтэйгээ суух гэж байгааг сонсоод тархин дундуураа цохиулаад авах шиг болж билээ.
Уулзах гэсэн их хүсэл минь унтарч, зуныг гэрийнхэнтэйгээ хөдөө цэвэр агаарт гарч амраад, хотод хааяа бааранд орж охидтой зугаацаад л буцаж билээ.
Өнгөрсөн хоёр жилийн хугацаанд түүнийгээ санаад хаа ганц утасдахдаа, надад хайртай хэвээрээ болов уу, үгүй болов уу гэж мэдэхийг хүснэ. Тэгэхдээ чи найз залуутай болж байна уу, эсвэл болооч гэх мэтээр асууна. Тэр маань үгүй ээ гэх юм уу, эсвэл нэг залуу хааяа ирдэг гэж л хэлдэгсэн. Би хүссэн хариултаа авч чадахгүй л байлаа. Түүнийг,
- Үгүй ээ, би чамд хайртай хэвээрээ гээд хэлээсэй гэж хүлээдэгсэн.
Тэгж хэлвэл ч миний нар гараад, бараг л нисэх байсан байх.
Гэвч тийм зүйл болоогүй ээ. Түүний маань, эмэгтэй хүний бардам зан нь тэр үгийг хэлүүлээгүй. Миний нэрэлхүү зан түүнийг хүлээж байдгаа ч хэлж зүрхлээгүй. Хэлэх боломж хичнээн их байсныг бодоод өөрийгөө зүхдэг юм. Уг нь тийм үгийг хэлэхэд боломж ямар хамаа байнаа. Хэлээд үзэх л хэрэгтэй байсан юм гэж бодоод харуусч билээ.
Удахгүй тэр маань хөөрхөн охинтой болж, хуримаа хийсэн гэж дуулаад баяр хүргэж нэг залгав.
Тэгэсгээд түүнийг үгүйлэхээ больсон ч сэтгэлийн минь хаа нэгтээ түүний тухай дурсамж үлдэн хоцорсон байдаг. Найз охин, бүсгүйтэй болж байсан ч түүнийг хайрлаж байсан тэр мэдрэмжийг авч байгаагүй шиг санагддаг. Анхны юм бас л гүн үлдэх юм аа.
Би ч яахав. Сургуулиа төгсөөд, эндээ үлдэж ажилд орлоо. Ирээдүйд эх орондоо амжилттай ажиллахын тулд туршлага гэдэг зүйлийг хуримтлуулах хэрэгтэй байх.
Ингэж элдвийг бодон хэвтэж байгаад нэг мэдэхэд унтчихсан байлаа.

Эвлүүлэг (4)

2008-10-24T15:13:00.002+09:00

Дурсамж дүүрэн тэр л үеэ санаж

Энэ л өдрийг бүү мартаасай гэж би хүснэ

Дассан орчин, тэр л гудамжин дахь дурсамж

Ахин надад тохиохгүй

Энэ л гудамжинд чамтайгаа учрахад

Хавар бидний хайрыг өлгийдөн авсан

Хайр, халамж гэж юу байдгийг

Чи минь ойлгуулж өгсөн надад

(Уйлахгүй би, урдах замаа чиглэн алханаа)

Тэнгэр, өнөөдөр ч цэлмэг байна

Одод гялалзсан сайхан үдэш

Уйлж, инээж байсан үе ард хоцорч

Ирээдүй өмнө минь гэрэлтэн байна

Цагийн эргэлтийг зогсоож

Хүсэл мөрөөдөл, хайр дурлал

Яримаар байна, чамтайгаа

Хоолой мэдэн дуулмаар байна

Чамайгаа мартаж чадахгүй нь

Хайр, халамжийг мэдэрсэн тэр л үед

Би өөрийгөө ганцаараа биш гэдгийг мэдэрсэн

Хэн ч арилгаж чадахгүй зүрхэнд минь шингэсэн

Чиний тухай дурсамж цомог болно

(Сүүлчийн мөчүүд эргэн санагдахад)

Гудамж, чамтай хөтлөлцөн алхсан

Өнөөдрийг хүртэлх тэр л үеүүд

Үл мэдэгдэм хөдлөх чиний уруул

Хайртай гэдгийг шивнэж байсан

Надад

Тэнгэр, өнөөдөр ч цэлмэг байна

Одод гялалзсан сайхан үдэш

Уйлж, инээж байсан үе ард хоцорч

Ирээдүй өмнө минь гэрэлтэн байна

Цагийн эргэлтийг зогсоож

Хүсэл мөрөөдөл, хайр дурлал

Яримаар байна, чамтайгаа

Хоолой мэдэн дуулмаар байна

Чамайгаа мартаж чадахгүй нь

Цаг хугацаа өнгөрсөөр

Бидний дурсамж хөвөрсөөр

Тэр л дурсамжаа тэврэн

Би алхаж явна, өнөө л гудамжаараа

(Чи минь харин дэргэд үгүй)

Орь ганцаар алхах гудамж

Оройн сэрүүн жиндүүлэх үес

Намар унасан шаргал навчис

Миний дээрээс хаялан буухад

(Би чамайгаа санан үгүйлнэ)

Тэнгэр, өнөөдөр ч цэлмэг байна

Одод гялалзсан сайхан үдэш

Уйлж, инээж байсан үе ард хоцорч

Ирээдүй өмнө минь гэрэлтэн байна

Цагийн эргэлтийг зогсоож

ХҮсэл мөрөөдөл, хайр дурлал

Яримаар байна, чамтайгаа

Хоолой мэдэн дуулмаар байна

Чамайгаа мартаж чадахгүй нь

Ойрдоо

2008-10-20T17:19:00.002+09:00

Ойрд блогтоо бичлэг оруулсангүй. Жаахан завгүй байсан юм уу даа.
Одоо дөрөвдүгээр дамжааны оюутан болохоор хэрдээ таарсан хийх юм гараад ирэх юм.
Ажил хайх, дээр нь төгсөлтийн ажлаа бичих, бас цагийн ажил хайж, хийх гээл.. мөн гадуур дотуур ганц нэг орчуулганд явж, хүм амьтантай уулзаж байтал өдөр өнгөрчих юм. Осолгүй шөнө гэртээ харьж унтаж байх шиг байна. Өчигдөр харин сайхан амарч, өнөөдөр их оройтож бослоо.
Маргаашаас цагийн хуваарь маань нэлээд шигүү болох гээд байх шигээ. Гүрийгээд байхаас.
Тэгж байгаад блогоо хөтлөнөө.

Эвлүүлэг (3)

2008-10-12T03:48:00.006+09:00

Бороо шивэрсэн тэр үдшийн
Болзоог би мартахгүй
Борхон зүрхийг минь догдлуулсан
Чамайгаа бүр ч мартахгүй
------------------------------------

Нулимс минь дусалж байна
Нуухгүй би , үүнийг
Урсаж л байг тэр
Угаас гарах ёстой юм, тэр
------------------------------------

Хайрын шинэхэн цасан зүрхэнд будрах үес
Хавар хэдийн айлчилсан дулаахан, намуун орой
Хэн нэгнийг хүлээн ганцаар суухдаа
Хаалга сэм сэмхэн ширтэн харуулдан сууна би
------------------------------------

Сэтгэлдээ буух үгсийг
Шүлэг болгон тэрлэж
Сэм сэмхэн чамайг үгүйлнэ
Сүүлчийн уулзалтаа дурсана

Үгүйлэн санах тэрхэн мөчдөө
Урдаа байх зургийг чинь ширтэнэ
Уруул дээрээ инээмсэглэл тодруулан
Урдаас минь чи ялдамхан мишээнэ
Яагаад чамайг үгүйлдэгээ би мэднэ
Яг л үүнийг хайр гэдэг
------------------------------------

Эвлүүлэг ...(2)

2008-10-06T16:13:00.005+09:00

Би жаахан дэврүүн сэтгэлтэй байж магад. Тиймээс ч эсрэгээрээ иймэрхүү шүлэг сонирхдог юм шиг байна. Түрүүчийн эвлүүлгэнд сэтгэгдэл үлдээсэн найзууддаа баярлалаа. Урамшаад бас нэгийг биччихэв. Гэхдээ авъяас энэ тэр нь заяагаагүй ээ надад. Тиймдээ шүлэг ч гэх юм уу, мөр дарсан эвлүүлэг ч гэх юм уу нэг юм бичиж л орхилоо.
Нэг мөр дуусаад интэр, тэгээд бас нэг мөр , интэр гэх мэтээр бичээд байхад шүлэг гэж хэлэх юм бол минийх бас шүлэг болж таарах байх. Яг нарийн онол энэ тэр мэдэхгүй, дээр нь авъяас бас онгод байхгүй болохоор өөрөө бол шүлэг гэж бодохгүй байна.
За олон үг нуршчихлаа. Сонирхоод уншаад үзнэ үү?

Тэр нэг хаврын үдэш, бид анх болзоод
Тэр гэхийн тэмдэггүй бие биерүүгээ
Уусан тэмүүлэх хайрын хүчийг мэдэрсэн
Усгал харц над дээр туссан сан

Хоног хугацаа урсан урссаар
Хоёр биерүүгээ тэмүүлэх бидний сэтгэл
Хос хайрын түүхийг бичилцсэн өдрүүд байлаа
Харин одоо тэртээд нисэн одох болж

Дурсамж болон үлдээсэн чиний хэдэн зураг
Чамаас надад үлдсэн цорын ганц нандин зүйл
Зургийн цоморлигийн нүүрийг чимж
Чимээгүйхэн инээмсэглэнэ, миний өөдөөс

Одоо би чамд ойрхон байгаа ч,
Уулзаж ч, бас ярилцаж ч чадахгүй
Хайрт минь чи
Дэргэд минь байгаа ч хол санагдана
Тэврээд авъя гэсэн ч зориг үл хүрнэ
Харц чинь надаас зугатна
Хайр чинь надаас холдоно

Туяхан цагаан гарыг чинь дахин нэг атгаад
Уучлал гуйхсан чамаасаа, хайрт минь
Энэ үгийг хэлэх боломжийг надад олгооч
Эргэж нэг хараач, надруугаа

Өглөө сэрэхэд минь жаазтай зураг чинь
Өөдөөс харан инээмсэглэнэ, тэгэхээр
Өдөржин би баяр баясалтай, ажил бүтэмжтэй
Өнө мөнхийн жаргалтай мэт, гэхдээ тийм биш

Одоо би
Чиний дүр зургийг өөртөө тээгээд
Чамт хамт өнгөрүүлсэн нандин дурсамжаа
Сэтгэлдээ тээгээд, урагшилсаар байна
Сэмхэн гансрах өдрүүд цөөнгүй ч
Энэ одоо миний жаргал,
Энэлэх зүрхний минь нууцхан гуниг
Надаас холдох, миний хайрын түүх

Шүлэг болон урсана, миний нулимсаар
Энэ шүлгэнд минь төгсгөл тавих хүн ганцхан
Эргээд ирээч хайрт минь, надруугаа
Энэ бүхнийг дуусгаж өгөөч

Эвлүүлэг....

2008-09-23T02:25:00.007+09:00

Сонирхол гэдэг сонин. Бичмээр санагдаад байхаар нь доорх шүлэг гэх юмуу, нэг юмыг эвлүүлсэн юм. Уншаад үзээрэй. Таньд ямар санагдах нь вэ, сэтгэгдэлээ үлдээгээрэй.

Би хэнтэй ч учирч болох байсан
Гэхдээ чамтайгаа учрах л байж дээ
Зөвхөн чиний гараас чинь хөтлөе гэсэн
Миний хүлээлт талаар болоогүй

Хайрт минь
Чамаас би асууя, чи минь надад хайртай юу?
Бидний хамт өнгөрүүлсэн чка өдрүүд
Бие биедээ зориулсан тэр халуун сэтгэл
Шүүдэр цэцэг шиг дэлбээлэх тэр хайр
Энэ бүхэн зүүд биш

Улаан тэнгэрт наран жаргаж
Бүтэн сарны доор бид хоёр зогсож байсан
Зорин ирэх салхи биднийг илбэж
Зөөлхөн ширтэх нүд чинь хайр харуулахад
Зөвхөн чамруу тэмүүлнэ, миний сэтгэл

Тиймээ, Чамайг би боддоггүй гэж үү?

Өчигдөр бид анх болзсон гудамжинд очлоо
Оволзох зүрх минь түг түг чаг чаг хииж байлаа
Орчин тойрон нэг л хачин, бас уйтгартай
Харин би ганцаараа
Чи минь байсангүй

Одоо тэр гудамж бидний хайрын хотхон
Одоо чи минь Миний л хайр
Миний хайрын хүч

Чин хайр минь,
Хайрт минь би чамдаа хэлье
Үргэлж ... чи
Миний хайрын Гэгээн домог байсан
Өнөөдөр ч тэр л хэвээрээ
Би чамдаа хайртай
Хэзээ...хэзээ нэгэн цагт
Одод орчиж, орчлон хөмөрсөн ч
Хайрлая чамайгаа, хайрлая

Чи минь наддаа эргээд ирээч
Миний хайрын эмзэгхэн дэлбээ минь
Би чинийхээ хайрын чинь од больё

Та анзаарсан байх. Камертон хамтлаг болон дуучин Д.Болдын дууны нэрийг холбох гэж үзсэн юм. Нэг ийм болгож болж байна. Уран бүтээлч биш, тэдэн шиг онгодоор хөглөгддөггүй ч гэсэн сэтгэлээсээ бичсэн юмаа.

Ерөнхий сайдын захидал

2008-09-17T23:15:00.002+09:00

ХҮНИЙ НУТАГТ СУУГАА МОНГОЛ АХАН ДҮҮСТЭЭ

Хээрийн галуу нисэн үл хүрэх газарт аж төрөн суугаа угсаа гарваль, удам судар нэгт ахан дүүс Та нарынхаа амар амгаланг айлтган мэндчилье.

Монгол Улсын Засгийн газар харийн нутагт ажил амьдралынхаа мөрийг хөөж яваа элгэн садан Та нартаа хандаж байна. Ардчиллын ачаар Монгол орон хаяа сөхөн хаалгаа нээж, монголчууд дэлхийн дайдад хөл тавих болсон тэр өдрөөс эхлэн хүний газар, гүний нутагт сайн ажил, сайхан амьдрал хайн одоцгоосон та нарыгаа эх орон, улс үндэстэн чинь аав, ээжтэй тань адил санан дурсаж, тосон хүлээсээр байгаа билээ.

Бидний монголчууд тэртээх газар орон, шинэ ертөнцийг танин мэдэхийн эрмэлзэл жигүүртэй төрсөн ард түмэн. Илдний ирээр ертөнцийг хураасан хүлэг баатруудаас эхлээд ном, номхролд гэгээрэхээр Жагар, Төвдийг зорьж, бурхны ариун сургаалыг түгээсэн хувраг мэргэдийг хүртэлх өвөг дээдсийн минь нэр алдар дэлхийн түүхэнд дурайж буй. Сумын шуудангаар гараад Зөвлөлт Улс, Европ тивийг зорьсон ХХ зууны сэхээтнүүдээс эхлээд жилийн дөрвөн улиралд нутаг сэлгэх малчин ардаа хүртэл ертөнцийг таньж, нүд тайлахыг оршин тогтнох хийгээд хөгжин дээшлэхийн нэгэн түлхүүр хэмээн эрт мэдэрсэн үндэстэн билээ, бид.

Соёл иргэншлийн их ертөнцөд нэвтрэх санал сэдэл, тэвчээр хатуужил, эрэл эгээрлийн “түүчээ” нь Та нар маань мөн. Олж авсан боловсрол мэдлэгтээ итгэж, хаа ч болов нутагшин амьдрах чадвартаа найдаж одсон Та нарыгаа манай үндэстний хамгийн зоримог, өөртөө итгэлтэй, юуг ч бүтээх увидастай тэр хэсгийн төлөөлөл хэмээн бид гүнээ хүндэлдэг.

Харийн нутаг, гадаад орчныг хөндлөнгөөс биш ойрын зайнаас, бүр дотроос нь харж нээсэн өнөө цагийн монголчуудын нүд Та нарынх л байсан. Хүмүүс урьд нь албан томилолт, арилжааны хэргээр л хааяа зорчдог байсан, эсвэл монгол хүн огт хүрч чадаагүй газар орон руу Та нар одсон. Хүний газар, гүний нутаг дахь монгол үндэстний нэгэн хэсэг, эзэн Чингисийн байгуулсан их голомтын тасархай нь Та нар маань билээ. Монгол гэдэг нэрийг толь бичгээс л харж мэддэг, мэдлээ гэхэд будилсан түүхийн бурангуй ойлголттой, аугаа дээдсийг минь “талын зэрлэгүүд” мэтээр төсөөлдөг харь хүмүүсийн дунд амьдрахаар явсан Та нарын эр зориг, аж амьдралын төлөөх гайхамшигт эрмэлзэл монгол хүний үр хойчдоо хэлэх үлгэр сургаал болон үлдэх учиртай.

“Харь халуун хоёрт зүтгэж яваа аав ээжийнхээ, ах эгчийнхээ хөлс шингэсэн мөнгийг чихэр, бурамнаас өгөхгүй, эрдэм мэдлэгт зориулна” хэмээн өхөөрдөм гартаа ном тэвэрч суугаа хүүхдийг харахад хэний ч нүдэнд нулимс хурна аа.

Та нар маань хүний газар хөлөө олж ажиллаж амьдраад зогсохгүй, эх орныхоо мянга мянган өрх бүлийг тэжээн тэтгэж, түм түмэн хүүхдийг сайхан ирээдүйтэй нь золгуулж байна. Та нарын хөлс шингэсэн мөнгөөр олон арван орон сууц ашиглалтад орж, зуу зуун гэр бүлийн амьжиргаа өөдлөн дэгжиж байдаг аа.

Эзэн Чингисийн тал нутагт түгэн дэлгэрч, сумыг аймагтай, малчны хотыг нийслэлтэй нь холбон тэлж байгаа орчин үеийн холбоо мэдээллийн технологийн шинэчлэлийн үр дүн та нарт минь ч ач тусаа өгч, Монголынхоо тухай шинэ соргог мэдээ мэдээллээр байнга хангагдаж яваа гэдэгт итгэж байна.

Манай эх орон өөрийн гэсэн нүдээр харвал өндийж, өөдөлж явна. Арван найман жилийн өмнө дундаж цалин 5 ам.доллар байсан бол өдгөө доод хэмжээг нь 100 болгон тогтоогоод байна. “Чамлахаар чанга атгах” хэмжээний л мөнгө. Ерөөс өнгөрсөн жилүүдэд бид бэрхшээл хүндрэл багагүй амссан ч, цөөнгүй амжилт олж бас чадсан. Үүнийгээ бид чамлах биш харин бататгах хэрэгтэй. Мөн даяаршин нягтарч байгаа хүн төрөлхтөнтэй мөр зэрэгцэхийг хичээн чармайх ёстой.

Хүн төрөлхтний гадаад бодлогын түүхэнд “Pax Mongolica” буюу “Монголын их энх амгалан байдал” гэсэн хэллэг хүртэл бий. Түүх сөхвөөс, бид дэлхийн хоёрдугаар дайнд ялагч гүрнүүдийн эвслийн бодитой гишүүний нэг байлаа. Өдгөө манай хөвгүүд Ирак болоод дэлхийн халуун цэгүүдэд энхийг сахиулах их үйлсэд оролцож, даян дэлхийн амар амгаланд хувь нэмрээ оруулж байна. Бидний монголчууд хөгжлийнхээ эрэмбэ, эдийн засгийн далайцаараа тэргүүлэгч болж хараахан чадаагүй хэдий ч ертөнц дахины үйл хэрэгт хэр чинээгээрээ нэмэртэй яваа нь бидний бахархал.

Хэдхэн хоногийн өмнө “Бээжин-2008” олимпоос манай тамирчид бидний мөрөөддөг байсан баяр хөөрийг бэлэглэж, энгэртээ хос алт, хос мөнгө, дөрвийн дөрвөн медальтай ирлээ. Энэ гайхамшигт цаг мөчүүдэд та нар минь эх орноороо хэчнээн их бахархаж “Би монгол хүн шүү” хэмээн хүний нутгийг цочтол хашгирмаар, цээжээ дэлдэн гүймээр байсныг би сэтгэл зүрхээрээ мэдэрсэн. Би ч гэсэн та нараасаа ялгаагүй л байв даа.

Ердөө гуравхан хоногийн өмнө Паралимпийн байт сурын төрөлд Баатаржав маань бас дахин алтан медаль зүүлээ.

Олимп хэмээх хүн төрөлхтний спортын их наадам алив улс үндэстний цог хийморь, золбоо жавхлангийн хэмжүүр байдаг. Та бидний эх орны хийморь лундаа өөдөө байгааг цөмөөрөө харж урамшлаа.

Та бидний эх орон Монгол Улс маань хөгжлийнхөө нэгэн том бэлчирт ирлээ. Энэ бэлчрийг аль гарцаар нь туулахаас хамаг юм хамаарах болоод байна. Манай орны ашигт малтмалын аугаа их нөөц баялаг, Евро-азийн ирээдүйн авто болон өнөөгийн агаарын замын уулзварт оршсон байрлал, ардчиллын үрээр бүрэлдсэн нээлттэй гадаад бодлого гэхчлэнгийн олон таатай хүчин зүйлс биднийг богино хугацаанд огцом өөдлөх, хөгжлийн дээд эрэмбэ рүү хөтлөх үүд хаалгыг нээж байна.

Гэхдээ хаалга нээгдэж байгаа ч гэлээ, бид тэр хаалганы босгыг давж амжаагүй байна.

Энэ алтан босгоор эвээ нийлүүлж, эрхэм хүслээ нийтгэн алхаж орох зорилгыг эш болгон МАХН, АН-ын хамтарсан Засгийн газар байгуулахаар бид зөвшилцөн шийдвэрлээд байна. Үүсэн ужгирсан бэрхшээлийг гэтэлж, өөдлөн дэвжихийн саруул замаар замнахын тулд бид нэгдсэн бодлого, нийлэн нягтарсан хүсэл зоригтой байх нь монгол түмэнд тохиосон түүхэн сонголтын өгөөжийг үр ашигтай амсан хүртэх гол нөхцөл мөн гэж үзсэний учир бид энэ алхмыг хийлээ. Бид эвтэй байхдаа ямагт хүчтэй байсан ард түмэн.

Чухам тийм ч учраас монголчууд эв нөхөрлөлийг эрхмийн дээд гэж үзсээр ирсэн зон олон. Бие биеийн эрдэм ухаан, боломж нөөцөд түшиглэж, нэгэн санаа нэгдмэл зорилготой байх энэ монгол ухаан харийн нутагт аж төрөн суугаа Та бүхэнд ч хамаатай гэдгийг хэлүүлэх юун. Монголын үр сад эх орондоо ч, хүний нутагт ч дэм дэмэндээ амьдрах чин сэтгэлтэй байгаасай гэж миний бие хүсэж байна.

Өнөөдөр Монголын иргэд дэлхийн өнцөг булан бүхэнд хүрчээ. Казахстан, Солонгос, АНУ-д хэдэн арван мянгаараа ажиллаж, амьдарч, сурч байна. Монгол хэлээр гардаг сайтуудаар орж байгаа хандалтыг ажиглавал дэлхийн 188 орноос өдөр болгон сэтгэлийн үгээ илгээж байгаа нь харагдлаа. Англи, Герман, Японоос эхлээд Тонга, Коста Рика, Сенегал улсаас хүртэл өдөрт зуугаас дээш хандалт бүртгэгдэж байх юм. Хүний газар зүтгэж, зовж олж байгаа олз ашиг чинь энд бидний халаасалж болохоос илүү байгаа учраас л та нар маань хүлэг морь янцгаасан хээр талдаа ирж чадахгүй байгаа билээ.

Хүний нутагт дуссан хөлс чинь одоохондоо унасан газартаа унагаснаас ахиу үнэлэгдэж байгаа болохоор л Та хэд маань Цагаан сарын Шинийн нэгэнд цэнхэр хангайнхаа овоонд мөргөж чадахгүй бэтгэрч суугааг тань бид ойлгодог.

Ингэж яваа нь та нарын буруу биш ээ. Хэрвээ зоригоо чангалан холыг зориогүй бол бэтгэртлээ санаж суугаа үр чинь хоолоор дутуу, жил жилийн Цагаан сарын идээ будаанаасаа “хүүгийн минь хишиг” хэмээн хадгалж байгаа аав ээж тань бэлээр гуцуу явах байсан.

Та нар тэндээ хэр боломжоороо, ямар ч байсан энд байсантайгаа харьцуулахад “арай дээр” амьдарч байгаа болохоор эргэн харьж чадахгүй байгааг чинь бид мэднэ. Бас буурал дээдсээ буцах замд нь үдэж, Бурхны оронд залах ёсонд ирж чадалгүй элгэндээ бэтгэрсэн нь олон гэдгийг бас гадарлана. Учир нь, талын монгол айл шиг ирсэн зочин болгонд нохойгоо хорьж, үүдээ нээж өгч, цайгаа даргилуулдаггүй ихэмсэг гүрнүүдэд нуугдаж хаагдахын гачланг та нар минь амсаж яваа. Нэг гаргавал эргээд оруулдаггүй оньс хатуу үүдийг нь бүрмөсөн хаалгачихгүйн тулд тийнхүү зовлонгоо нууж, жаргалыг хурайлан суугааг чинь мэдэрч байна. Гэхдээ улс орноо, өрх бүлээ тэтгэн тэжээх гэж яваа ариун үйлс, үнэн сэтгэлийг тань монгол нутгийн тэнгэр Чингис хааныг ивээсэн шигээ ивээнэ ээ. Бас “Усыг нь уувал ёсыг нь дага” гэсэн эцэг дээдсийн ариун сургаалыг дагасны хүчинд болж, бүтэж яваагаа мартахын учиргүй биз ээ.

Гадаад орнуудад сурч, ажиллаж, амьдарч яваа монголчуудынхаа эрх ашгийг хамгаалах Монгол төрийн бодлогыг боловсруулан хэрэгжүүлэх нь хамтарсан Засгийн газрын үйл ажиллагааны нэгэн чухал зорилт байх болно. Та нартаа эдийн засгийн хийгээд эрх зүйн туслалцаа үзүүлэх, тусгаар Монголын иргэний тань хувьд эрх ашгийг чинь дээдлэн хамгаалах, Үндсэн хуулиар олгогдсон хүний эрх, эрх чөлөөгөө эдлэхэд тань туслах зэрэг асуудлаар Монгол Улсын Ерөнхий сайд, УИХ-ын гишүүний хувьд хууль санаачлан батлуулахын төлөө би ажиллах болно.

Улсын хийгээд өрх бүлийн орлого ундарч эхлэх сайхан ирээдүй бидэнд байна. Таны тэнд олдог мөнгийг энд адил хэмжээтэй авч чадахгүй ч ядаж талыг нь тоолон өвөртөлж болох боломж бүрдэж байна. Өнөөдөр авч чадахгүй гэлээ ч маргааш авч чадах боломж харагдаж эхлэв. Хэдийгээр бэрхшээл, хүндрэл чамгүй байгаа ч манангийн цаана мандах нар байгаа нь ойлгомжтой. Монголчууд мэдрэмжтэй, зөнтэй ард түмэн. Найман зууны тэртээ Онон голын хөвөөнд өнчин өрөөсний зовлон дунд загас, мангирханаар Тэмүүжин хүүгээ тэжээж суусан Өүлэн эх түүнийг хожмоо дэлхийн эзэн болохыг мэдэрч л байв даа.

Аавын бийд хүн таньсан, агтын бийд газар үзсэн та нарын тус эх оронд чинь өдгөө хэрэгтэй байна. Та нар хөгжингүй улс үндэстний дотоодод хөндлөнгөөс орсон хүмүүс учраас тэдний хөгжлийн нууц, дэвшлийн гогцоог хэвшил, дэвшилдээ дассан өөрсдөөс нь илүү тод харж байгаа биз. Та бүхэн эх нутагтаа байгаа бидэнтэйгээ харьцуулахад хөгжлийн дээд эрэмбэ рүү шилжин, нүд тайлсан шинэ цагийнхан тул энд бидний юу нь болохгүй, ямар юман дээр буруутах гээд байгааг хамгийн соргог мэдэрч байгаа нь дамжиггүй.

Та нар суугуул холын нутгаасаа уугуул төрөлх орон гэртээ нэг л сайхан өдөр эргэж ирнэ. Хүний газар бөхийж олдог мөнгийг эх орондоо гэдийж олдог болчихлоор аавын хүүхдүүд төрсөн голомт, өссөн үүрэндээ буцаж ирэлгүй хаачнам билээ.

Тэр цагт та бүхний сурсан, мэдсэн бүхэн Монголын минь хөгжил дэвшилд алттай жишимгүй үнэтэй болохын учир энэ захидлыг илгээж байгаа юм. Сурсан мэдсэн гэхээр зөвхөн бакалавр, магистрийн диплом санаанд буудаг нь өрөөсгөл ойлголт биз ээ. Хүний газар ажиллаж амьдрахдаа сурсан харсан бүхэн, байшин шавардахаас эхлээд байгаль орчинд ээлтэй технологи эзэмших хүртэл, хүн хуурч, ажил оромдохыг жигшихээс эхлээд хуулийн хүрээнд амьдарч сурсан чинь хүртэл энд байгаа бидэнд хэрэгтэй болж байна. Архи дарсгүй амьдарч байсан аж төрөх хэвшлээс тань эхлээд ажиглаж мэдэрсэн бүхэн чинь бидэндээ үлгэрлэх жишээ болох нь байна.

Нарны эрт, насны залууд газар үзэж нүд тайлсан хэсэг нь улс үндэстнийхээ хөгжлийн түүчээ болдог нь уламжлал. ХХ зуунд Монголын мянга мянган залуус хуучин Зөвлөлт Улс болон Зүүн Европын орнуудад боловсрол эзэмшсэн байдаг. Чухамдаа тэд л өнөөгийн тусгаар тогтносон, соёлжиж иргэншсэн Монгол орны хөгжлийн “түүчээ” болсон. Тэд боловсрол мэдлэгээр үлгэрлээд зогсоогүй боловсон амьдралын хэв маяг, эс ширхэг бүрийг биеэр дэлгэрүүлэгчид байлаа. Үе тэнгийнхэн нь тэднийг хүндэтгэн бахархаж, даган дуурайсаар соёлжиж, иргэншсэн билээ. Харин өдгөө та нарын ээлж ирж байна.

Ази хэлбэрийн хөгжлийн удирдлагаас эхлээд Америк маягийн хөгжингүй ардчилал, Англи саксоны ёсорхуу шинэтгэл, аль нь давуу болоод онцлог шинжтэйг дотроос нь Та бүхэн харж байгаа билээ. Тэдний аль нь манайд дэвшил болохыг, аль эсвэл “монголчлоод” буруугаар эргүүлчих гэмтэйг ч бас бодолхийлэн тунгаасан болов уу. Чухам энэ үзсэн мэдэрсэн мэдлэгээрээ туслахыг эх орон чинь хүсэн хүлээж байна.

Та нар ар гэр, ах дүүсийнхээ амь зуулгыг амжилттай тэтгэж ирсэн шигээ өдгөө эх орноо мэдсэн сурсан, харсан үзсэнээрээ гийгүүлэн мялаах цаг ирлээ гэж Монгол Улсын Засгийн газар үзэж байна.

Тал нутагтаа өөрийн бизнесээ цэцэглүүлж, хүний газар хүйтэн халуунд зүдэн олдгоосоо илүү их баялгийг бүтээж, хишиг буяныг нь хүртэх, хурдан хөлгийн шандас шалгасан талаараа хуй салхи мэт дураараа давхин амсхийх цаг нэгэнт ойртжээ. Энүүхэн гүвээний цаана байгаа тэр цагийг авчрах их үйл хэрэгт та нарын минь оролцоо, зүтгэл үнэхээр хэрэгтэй байна.

Иймд Та бүхэн өөрсдийн санаж бодсон, ойлгож мэдэрсэн, олж харсан, ер нь Монгол эх орноо хөгжүүлэхэд яахын аргагүй нэмэр болно гэж үзсэн мэдлэгээ, тэр ч бүү хэл давтагдаж мэдэх алдаа завхралын талаарх сэрэмж сэлтээ, бага жижиг гэлтгүй бизнес хийх арга хөтөлбөр, бүтэн төслөөс эхлээд ганц өгүүлбэрт багтах саналаа хүртэл Монгол Улсын Засгийн газрын Хэвлэл мэдээллийн албаны

press.office@prime.pmis.gov.mn,

эсвэл

info@open-government.mn хаягаар ирүүлнэ үү?

Та нарыгаа санан хүлээх элгэн садан, эх орон, улс үндэстнийг тань төлөөлж хүндэтгэн ёсолсон,

Монгол Улсын Ерөнхий сайд Санжаагийн Баяр

2008 оны 9 дүгээр сарын 17-ны өдөр Улаанбаатар хот

Миний өмнөх жим

Хуучин хувцас, даавууны үлдэгдлээр

Амьдралыг дуулж, туулж явна би

ЦҮНАМИ.... Хотын сүйрэл

Yomiuri Shinbun news 2011.03.18

2011．03.15 18.32цагийн мэдээ

Би догдлоно

Ёмиүри шинбүний мэдээ 2011.03.15-ны 16.50 цагийн мэдээ

Японы өдөр тутмын сонины мэдээ 2011.03.15

Ай даа нутаг нуга минь

Хариуцлагаа гэж...

Ишлэл.........санамж, сонордуулга

Бодрол

...............................

Монголоо алдсан Монгол

Шүлэг

IPO-ийн давуу тал

IPO буюу Initial Public Offering тухай

Ирландад дэлбэрсэн галт уулын нөлөө

Төрсөн өдрийн мэнд

Hallelujah

Ээжийн тухай дуу

Улс тунхагласны баярын мэнд

Санаж явъя

Лемонс Токиод

あなたに伝えたい

Хөлбөмбөгийн хамгийн үнэтэй тамирчин

ДАГУУЛАХДАА Л ДАГУУЛНА

Шинэ ерөнхийлөгч Ц.Элбэгдоржтой уулзаж байлаа

GM дампуурвал яах вэ

Цагийн ажил

Гадаадад байгаа монголчууд Ц.Элбэгдоржийг дэмжиж байна

Сонгуулийн талаар эргэцүүлэл

Дуучин Сараа Японд тоглоно

Морин хуурынбэсрэг тоглолт болов

No Worries

Та эд зүйлсээ хаяж гээгдүүлсэн бол

Би бүжиглэх дуртай

Асашёрюг заналхийлсэн байна

Шинэ жилийн мэнд хүргэе

EARTH MARATHON start

Тоёота шок

Том компаниуд ажиллах хүчээ бууруулж байна

Японы ЗГ итгэл хүлээх чадвартай юу

Нобелийн шагналын эзэн ингэж хэлэв

Blue Guilty Live

Нойр хулжих цагаар

Эвлүүлэг (4)

Ойрдоо

Эвлүүлэг (3)

Эвлүүлэг ...(2)

Эвлүүлэг....

Ерөнхий сайдын захидал

2011．03.15　18.32цагийн мэдээ

EARTH MARATHON　start